Ijtimoiy tarmoqda, qora rangli, “Lacetti” rusumli ikki transport vositalarining haydovchilari yoʻl harakati qoidalarini qoʻpol tarzda buzib harakatlanib yurganligi aks etgan video tarqalmoqda.

Videoda aks etgan holat 2021-yil 19-oktabr kuni Fargʻona viloyati IIB YHXB xodimlari tomonidan oʻrganilib, “Lacetti” rusumli, 40 T007TA davlat raqam belgili avtomobil haydovchisi, Qoʻqon shahrida yashovchi, 1997-yilda tugʻilgan R.R. va 40 E234NA davlat raqam belgili yana bir “Lacetti” rusumli avtomobil haydovchisi, Qoʻqon shahrida yashovchi, 2000-yilda tugʻilgan M.S. ekanligi aniqlangan.

“Lacetti” rusumli 40 T007TA davlat raqam belgili avtomobil haydovchisi R.R.ga nisbatan Oʻzbekiston Respublikasi Maʼmuriy javobgarlik toʻgʻrisidagi Kodeksning 126-moddasi 2-qismi tartibida, 40 E234NA davlat raqam belgili “Lacetti” rusumli avtomobil haydovchisi M.S.ga nisbatan esa Oʻzbekiston Respublikasi Maʼmuriy javobgarlik toʻgʻrisidagi Kodeksining 128⁵-moddasi 2-qismi tartibida maʼmuriy bayonnoma rasmiylashtirilgan.