Ijtimoiy tarmoqda "Avtobus haydovchisi yo‘lovchilarning hayotiga va ro‘paradan kelayotgan transport vositalariga xavf solib, qarama-qarshi yo‘nalishga chiqib ketdi" izohi bilan video tarqaldi.

Video Samarqand viloyati IIB YHXB xodimlari tomonidan o‘rganilib, 2021-yil 14-oktabr kuni soat 11:30 larda, Samarqand shahar, Amir Temur ko‘chasida avariya holatini yuzaga keltirishi mumkin bo‘lgan qoidabuzarliklar sodir etgan avtobus haydovchisi aniqlandi. Tekshiruv mobaynida haydovchining me’yoriy hujjatlari to‘liq emasligi, transport vositasiga ruxsat etilmagan jihoz o‘rnatganligi ma’lum bo‘ldi va belgilangan tartibda ma’muriy bayonnoma tuzilib, avtobus vaqtincha saqlash uchun jarima maydoniga joylandi.

Barcha haydovchilardan yo‘llarda qoidalarga rioya qilishlarini so‘raymiz.