Ijtimoiy tarmoqda, Toshkent shahar, Chilonzor tumani, Muqumiy koʻchasida YPX xodimi O.Ismoilov va “Lacetti” rusumli avtomobil haydovchisi oʻrtasidagi oʻzaro muloqot aks etgan video tarqaldi. Muloqot davomida YPX xodimi haydovchi boshqaruvidagi avtomobil yon old oynasining tusi meʼyoridan ortiq qoraytirilganligini va transport vositasi vaqtincha saqlash uchun jarima maydoniga qoʻyilishini aytib eʼtirozlar bildirganligi videoda aks etgan. Mazkur holatda transport vositasi haydovchisiga maʼmuriy bayonnoma rasmiylashtirilmagan va shu kunning oʻzida ketishiga ruxsat berilgan.

Videoda aks etgan holat boʻyicha YPX xodimi bilan tushuntirish ishlari olib borildi. Shuningdek, Oʻzbekiston Respublikasi Maʼmuriy javobgarlik toʻgʻrisidagi Kodeksning tegishli moddalari, Vazirlar Mahkamasining qarorlari hamda Ichki ishlar vazirining meʼyoriy buyruqlari boʻyicha YPX xodimlarining bilimini, malakasini oshirish borasida oʻquv darslari tashkil etilib, doimiy ravishda mashgʻulotlar oʻtkazilmoqda.