Ijtimoiy tarmoqda "Toshkentda GAI haydovchiga tashlandi" sarlavhasi ostida tarqalgan video yuzasidan xizmat tekshiruvi o‘tkazilayotganligi haqida sahifada ma’lumot berilgan edi.

Tekshiruv xulosasiga ko‘ra, xizmati davomida O‘zbekiston Respublikasi Vazirlar Mahkamasining 2018-yil 1-dekabrdagi 975-son qarori bilan tasdiqlangan "Yo‘l-patrul xizmati xodimlarining yo‘l harakati qatnashchilari bilan o‘zaro munosabatlari hamda maxsus moslamalardan foydalanishi tartibi to‘g‘risidagi Nizom" hamda Ichki ishlar vazirining me’yoriy buyrug‘i talablarini buzganligi uchun Toshkent shahar IIBB YHXB YPX xodimi B.Mirzarahimov hamda qo‘l ostidagi xodimlarining xizmat faoliyatini yetarli darajada nazorat qilmaganligi uchun guruh komandiri S.Umarqulov, batalon komandiri J.Aripxodjayev hamda batalon komandirining tarbiyaviy ishlar bo‘yicha o‘rinbosari D.Rustamovlarning xatti-harakatlari Toshkent shahar IIBB YHXB "Intozomiy kengashi"da ko‘rib chiqilishi belgilandi.