Ijtimoiy tarmoqda tarqalgan videoda "Lacetti" rusumli, 80 O 044 GA davlat raqam belgili avtomobil haydovchisi piyodalar o‘tish joyidan oldin chizilgan 1.1 yo‘l yotiq chizig‘ini bosib harakatlanganligi aks etgan. Shuningdek, video izohida mazkur avtomobilga "migalka" (yalt-yalt etuvchi chiroq-mayoqcha) o‘rnatilganligi qayd etilgan.

Video Buxoro viloyati IIB YHXB mas’ul xodimlari tomonidan o‘rganildi. O‘rganish davomida ushbu transport vositasiga ishlab chiqargan korxona tomonidan ko‘zda tutilmagan yoritqichlar o‘rnatilganligi ma’lum bo‘ldi. Haydovchi tomonidan sodir etilgan qoidabuzarliklar yuzasidan bayonnoma tuzilib, unga nisbatan O‘zbekiston Respublikasi Ma’muriy javobgarlik to‘g‘risidagi Kodeksning 127-moddasi 1-qismi tartibida 245 000 so‘m miqdorida jarima belgilandi.

Barcha haydovchilardan qoidalarga rioya qilishlarini so‘raymiz.