Ijtimoiy tarmoqda Toshkent shahrida YPX xodimi va haydovchi o‘rtasida aks etgan muloqot videosi tarqaldi. Mazkur video yuzasidan Toshkent shahar IIBB YHXB mas’ul xodimlari tomonidan xizmat tekshiruvi o‘tkazilayotganligi haqida sahifamizda ma’lumot berilgan edi.

Tekshiruv yakuniga ko‘ra, xizmati davomida, haydovchini to‘xtatgan vaqtida to‘xtatish sababi bo‘yicha to‘liq tushuntirish bermaganligi, haydovchining me’yoriy hujjatlarini tekshirish to‘g‘ridan-to‘g‘ri asosiy vazifalaridan biri bo‘lsa-da hujjatlarni tekshirmaganligi, bu xatti-harakati bilan ayrim me’yoriy qaror va buyruq talablarini buzganligi uchun Toshkent shahar IIBB YHXB YPX xodimi E.Xodjiahmedov hamda uning bevosita guruh komandiri J.Sodiqov qo‘l ostidagi xodimlarga doimiy ravishda xizmatni o‘rnatilgan tartib asosida olib borish bo‘yicha yo‘riqnoma berib borishi, kelgusida bu kabi xato va kamchiliklarga yo‘l qo‘ygan taqdirda intizomiy jazoga tortilishi bo‘yicha ogohlantirildi.