Joriy yilning 16-mart kuni ijtimoiy tarmoqda “Andijonda avtomobilning old oynasini qoraytirishga ham ruxsatnoma beriladimi?” izohi bilan “Lacetti” rusumli avtomobil aks etgan video tarqaldi va jamoatchilik muhokamalariga sabab boʻldi.

Ushbu video yuzasidan Andijon viloyati IIB YHXB xodimlari tomonidan surishtiruv olib borilib, “Lacetti” rusumli, 60Q001OA davlat raqam belgili avtomobil haydovchisi aniqlandi. Surishtiruv davomida ushbu avtomobil yon oynalarining tusi qoraytirilishi boʻyicha tegishli ruxsatnoma mavjudligi, lekin yon old oynasining tusi belgilangan meʼyordan ortiq qoraytirilganligi aniqlandi va haydovchi, 1996-yilda tugʻilgan I.S.ga nisbatan Oʻzbekiston Respublikasi Maʼmuriy javobgarlik toʻgʻrisidagi Kodeksning 126-moddasi 1-qismi tartibida maʼmuriy bayonnoma tuzilib, avtomobil vaqtincha saqlash uchun jarima maydoniga qoʻyildi.

Barcha haydovchilardan qoidalarga rioya qilishni soʻraymiz.