Ijtimoiy tarmoqda bir guruh transport vositalarining haydovchilari turli xavfli manyovrlar bilan boshqa harakat ishtirokchilarining erkin harakatiga xalaqit bergan holda harakatlanganligi aks etgan video tarqaldi.

Ushbu holat Farg‘ona viloyati IIB YHXB xodimlari tomonidan o‘rganilganda, mazkur qoidabuzarliklar aks etgan video 2021-yil 7-noyabr kuni Marg‘ilon shahridagi to‘y marosimi vaqtida tasvirga olinganligi ma’lum bo‘ldi.

Surishtiruv davomida:

- “Laсetti” rusumli, 40712PBA davlat raqam belgili hamda “Nexia-3” rusumli, 40E909RA davlat raqam belgili avtomobillar haydovchilariga nisbatan O‘zbekiston Respublikasi Ma’muriy javobgarlik to‘g‘risidagi Kodeksning 128 prim 5 moddasi 2-qismi tartibida;

- yana bir “Lacetti” rusumli, 40H041UA davlat raqam belgili avtomobil haydovchisiga nisbatan davlat raqam belgisini o‘zgartirganligi va tegishli ruxsatnomasiz transport vositasining yon oynalari tusini o‘zgartirganligi uchun (videoda 40O201TA davlat raqam belgisida) O‘zbekiston Respublikasi Ma’muriy javobgarlik to‘g‘risidagi Kodeksning 126-moddasi tartibida;

- “Nexia-3” rusumli 40O201TA davlat raqam belgili avtomobil haydovchisiga esa Ma’muriy javobgarlik to‘g‘risidagi Kodeksning 125-moddasi 5-qismi tartibida jazo choralari belgilandi.

Video yuzasidan surishtiruv davom etmoqda.

Barcha haydovchilardan qoidalarga rioya qilishlarini so‘raymiz.

Unutmang!

Yo‘l - o‘yin maydoni emas!