Ijtimoiy tarmoqda "GAI akalarimizdan alkotesterni innovasiyasi" sarlavhasi ostida tarqalgan video yuzasidan Jizzax viloyati IIB YHXB mas’ul xodimlari tomonidan xizmat tekshiruvi o‘tkazilayotganligi bo‘yicha ma’lumot berilgan edi.

O‘tkazilgan xizmat tekshiruvi xulosasiga ko‘ra, xizmati davomida O‘zbekiston Respublikasi Vazirlar Mahkamasining 2018-yil 1-dekabrdagi 975-son qarori bilan tasdiqlangan "Yo‘l-patrul xizmati xodimlarining yo‘l harakati qatnashchilari bilan o‘zaro munosabatlari hamda maxsus moslamalardan foydalanishi tartibi to‘g‘risidagi Nizom" hamda O‘zbekiston Respublikasi Sog‘liqni saqlash vazirligi, Ichki ishlar vazirligi, Oliy sudi va Bosh prokuraturasining qarori bilan tasdiqlangan "Transport vositalari haydovchilarining mast holatda ekanligini aniqlash tartibi to‘g‘risidagi Nizom" talablarini buzganligi uchun Jizzax viloyati IIB YHXB YPX xodimlari A. Shodmonov va Z. Umirovlarga nisbatan "Tanbeh" intizomiy jazosi qo‘llanilishi hamda O. Sayfiyev, Z. Ochilov va T. Tursunovlarning xatti-harakatlari viloyat IIBning "Intizomiy kengash"ida ko‘rib chiqilishi belgilandi.