Ijtimoiy tarmoqda “Nexia-2” va ikkita “Damas” rusumli transport vositalari Yoʻl harakati qoidalarining 91-bandida belgilangan talabni buzgan holda, 3.27 - “Toʻxtash taqiqlangan” yoʻl belgisining taʼsir doirasida toʻxtab turganligi aks etgan video tarqalib, keng jamoatchilik muhokamalariga sabab boʻldi.

Video Qashqadaryo viloyati IIB JXX YHXB xodimlari tomonidan oʻrganilib, “Nexia-2” rusumli avtomobil haydovchisi, YPX xodimi T. S. ga nisbatan Oʻzbekiston Respublikasi MJtKning 128 prim oltinchi moddasi tartibida bayonnoma tuzildi. Shuningdek, ikkita “Damas” rusumli transport vositalari ushbu joyda YPX xodimi tomonidan tekshirish maqsadida toʻxtatilganligi aniqlandi.

Barcha haydovchilardan yoʻllarda qoidalarga rioya qilishlarini soʻraymiz.