Ijtimoiy tarmoqda koʻchalar va yoʻllarda xizmat olib borayotgan IIB xodimlari hanuzgacha qishki mavsum uchun kiyim-bosh kiymaganliklari aytilgan xabar eʼlon qilindi.

Mazkur xabar yuzasidan quyidagilarni maʼlum qilamiz:

- respublikadagi barcha garnizon boshliqlarining qishki kiyim-kechak kiyish rusumiga oʻtish toʻgʻrisidagi tegishli buyrugʻi shaxsiy tarkib xodimlariga yetkazilgan;

- koʻchalarda, yoʻllarda xizmat olib boruvchi barcha xodimlar qishki mavsumga moʻljallangan issiq kiyim-boshlar bilan taʼminlangan (maʼlumot uchun, xodimlar mavsumiy kiyim-boshlar bilan Ichki ishlar vazirining tegishli buyrugʻi asosida belgilangan muddatlarda doimiy taʼminlanadi);

- Ichki ishlar vazirligi Jamoat xavfsizligi departamenti tarkibiga kiruvchi Yoʻl harakati xavfsizligi, Huquqbuzarliklar profilaktikasi va Jamoat tartibini saqlash xizmatlarining xodimlarini yangi namunadagi kiyim-bosh bilan taʼminlash boʻyicha ishlar jadallik bilan olib borilmoqda;

- xodimlar qishki kiyim-bosh bilan xizmat olib borishlari Ichki ishlar vazirligi Jamoat xavfsizligi departamenti rahbariyati tomonidan nazoratga olingan.

Xodimlarning salomatligi uchun qaygʻurayotgan jamoatchilik vakillariga minnatdorchilik bildiramiz.