Ijtimoiy tarmoqda "To‘y kortejidan shikoyat" sarlavhasi ostida video tarqalib, videoda "Nexia" rusumli, 40M870LA davlat raqam belgili avtomobil haydovchisi qo‘pol qoidabuzarligi bilan boshqa haydovchilar uchun xavfli vaziyatni yuzaga keltirganligi, shuningdek, "Captiva", "Nexia", "Damas" va "Matiz" rusumli avtomobillar haydovchilari ham guruh-guruh bo‘lib harakatlanib, qoidalarning ayrim bandlarini chetlab o‘tganligi aks etgan.

Video yuzasidan Farg‘ona viloyati IIB YHXB mas’ul xodimlari tomonidan surishtiruv harakatlari olib borilib, qoidabuzarliklar sodir etgan haydovchilar aniqlandi:

- "Captiva" rusumli, 40W161RA davlat raqam belgili;
- "Damas" rusumli, 40P464MA davlat raqam belgili;
- "Nexia" rusumli, 40W931KA davlat raqam belgili;
- "Nexia" rusumli, 40M870LA davlat raqam belgili;
- "Nexia" rusumli, 40T405PA davlat raqam belgili avtomobillar haydovchilariga nisbatan o‘rnatilgan tartibda chora ko‘rildi.

Video yuzasidan surishtiruv davom etmoqda.

Barcha haydovchilardan yo‘llarda qoidalarga rioya qilishlarini, guruh-guruh bo‘lib harakatlanmasliklarini so‘rab qolamiz.