Ijtimoiy tarmoqda "Toshkentda GAI xodimi va haydovchi tortishib ketdi" sarlavhasi ostida tarqalgan video yuzasidan Toshkent shahar IIBB YHXB mas’ul xodimlari tomonidan xizmat tekshiruvi o‘tkazilayotganligi bo‘yicha ma’lumot berilgan edi.

Haydovchi bilan o‘zaro muloqot vaqtida YPX xodimi A.Tadjiyev O‘zbekiston Respublikasi Vazirlar Mahkamasining 2018-yil 1-dekabrdagi 975-son qarori bilan tasdiqlangan "Yo‘l-patrul xizmati xodimlarining yo‘l harakati qatnashchilari bilan o‘zaro munosabatlari hamda maxsus moslamalardan foydalanishi tartibi to‘g‘risidagi Nizom" hamda Ichki ishlar vazirining me’yoriy buyrug‘i talbalariga ko‘ra, og‘ir va vazminlik bilan munosabatda bo‘lmaganligi ma’lum bo‘ldi. Shuningdek, qoidabuzarligi bo‘yicha barmoq izi orqali tasdiqlashi so‘ralganda haydovchi tomonidan nosamimiy munosabat kuzatilganligi, YPX xodimi A.Tadjiyevning ushbu holat sodir bo‘lgunga qadar xizmat faoliyatidagi ijobiy xatti-harakatlari, ko‘rsatkichlari va faoliyati inobatga olinib, xodim kelgusida bu kabi xato va kamchiliklarga yo‘l qo‘ygan taqdirda intizomiy jazolanishi bo‘yicha ogohlantirildi.