Ijtimoiy tarmoqda "O‘zbekiston Respublikasi Vazirlar Mahkamasining qarori faqat oddiy xalq uchunmi?" sarlavhasi ostida tarqalgan video yuzasidan Toshkent shahar IIBB YHXB mas’ul xodimlari tomonidan xizmat tekshiruvi o‘tkazilayotganligi bo‘yicha ma’lumot berilgan edi.

Tekshiruv xulosasiga ko‘ra, YPX xodimi N.Gʻanixo‘jayev fuqaro K. I. ga nisbatan qoidabuzarligi bo‘yicha to‘g‘ri bayonnoma rasmiylashtirgan bo‘lsa-da, mazkur qoidabuzarlik bo‘yicha transport vositasini vaqtincha saqlash uchun jarima maydoniga asossiz joylashtirganligi ma’lum bo‘ldi. Bu xatti-harakati bilan O‘zbekiston Respublikasi Ma’muriy javobgarlik to‘g‘risidagi Kodeksning 291-moddasi hamda Ichki ishlar vazirining me’yoriy buyrug‘i talablarini buzganligi uchun YPX xodimi N.Gʻanixo‘jayevga nisbatan "Hayfsan" intizomiy jazosi qo‘llanilishi belgilandi.