Joriy yilning 11-oktabr kuni Surxondaryo viloyati, Qumqoʻrgʻon tumani IIB JXX YHXG xodimlari xizmatda foydalanishi uchun moʻljallangan chop etish qurilmasi (printer)da nosozlik yuzaga kelgan. Shu sababli, YHXG inspektori D.Choriyev muddati oʻtgan qarzdorlik sabab jarima maydoniga qoʻyilgan transport vositasini olib chiqish uchun ruxsatnoma olishga kelgan fuqaro S.R.ga kutib qolmasligi uchun maʼmuriy bino yonidagi xizmat koʻrsatish shoxobchasi orqali ruxsatnoma qogʻozini chop etishi mumkinligini tavsiya qilgan.

Video Surxondaryo viloyati IIB JXX YHXB masʼul xodimlari tomonidan oʻrganilib, YHXG inspektori D.Choriyev bilan yuqoridagi kabi nosozliklar yuzaga kelganda zudlik bilan bu haqida tegishli tartibda axborot berishi, bartaraf etish choralarini koʻrishi va fuqarolarga oʻz vaqtida, sifatli xizmat koʻrsatishi boʻyicha tushuntirish ishlari olib borildi.