Жорий йилнинг 11 октябрь куни Сурхондарё вилояти, Қумқўрғон тумани ИИБ ЖХХ ЙҲХГ ходимлари хизматда фойдаланиши учун мўлжалланган чоп этиш қурилмаси (принтер)да носозлик юзага келган. Шу сабабли, ЙҲХГ инспектори Д.Чориев муддати ўтган қарздорлик сабаб жарима майдонига қўйилган транспорт воситасини олиб чиқиш учун рухсатнома олишга келган фуқаро С.Р.га кутиб қолмаслиги учун маъмурий бино ёнидаги хизмат кўрсатиш шохобчаси орқали рухсатнома қоғозини чоп этиши мумкинлигини тавсия қилган.

Видео Сурхондарё вилояти ИИБ ЖХХ ЙҲХБ масъул ходимлари томонидан ўрганилиб, ЙҲХГ инспектори Д.Чориев билан юқоридаги каби носозликлар юзага келганда зудлик билан бу ҳақида тегишли тартибда ахборот бериши, бартараф этиш чораларини кўриши ва фуқароларга ўз вақтида, сифатли хизмат кўрсатиши бўйича тушунтириш ишлари олиб борилди.