Ma’lum qilamizki, joriy yilning 11-fevral kuni soat taxminan 20:30larda Xorazm viloyati Bog‘ot tumanining «Nurli maskan» mahallasini kesib o‘tuvchi yo‘lda tekshiruv uchun to‘xtatilgan 90N202OA d/r «Lacetti» avtotransporti haydovchisining transportni oldi yon oynalari tusini o‘zgartirishga oid ruxsatnomasi bo‘lmaganligi aniqlangan.

Haydovchi javobgarlikdan qutulish maqsadida transport eshigini ichkaridan qulflab olib, YPX xodimining qonuniy talablarini bajarmasdan, uning faoliyatiga sun’iy to‘siqlar yaratish orqali xalaqit bergan.

Natijada, transport vositasi haydovchisiga nisbatan O‘zbekiston Respublikasi MJtKning 194 (Ichki ishlar organlari xodimining qonuniy talablarini bajarmaslik) hamda 126 (Ko‘zgusimon va (yoki) tusi o‘zgartirilgan (qoraytirilgan) oynali, shuningdek tevarak-atrofni ko‘rishni cheklaydigan qoplamali transport vositalaridan foydalanish) moddalari bilan ma’muriy bayonnoma rasmiylashtirilib, avtomashina Bog‘ot tumanidagi transport vositalarini vaqtinchalik ushlab turish jarima maydoniga qo‘yilgan.