YPX maskanlaridagi tekshiruvlar davomida:

- 2022-yil 25-may kuni soat 15:55 larda, Yunusobod tumanida joylashgan “Uch qahramon” YPX maskanida xizmat olib borgan YPX xodimlari A.Abdumalikov va S.Oʻrinboyevlar tomonidan Toshkent viloyatidan poytaxtga kirib kelayotgan “Spark” rusumli avtomobil toʻxtatilganda, haydovchi, 1986-yilda tugʻilgan H.M. koʻrinishidan xodimlarda shubha uygʻotgan. Xolis va guvohlar ishtirokidagi tekshiruv davomida haydovchi H.M.ning choʻntagidan sigareta qutisi ichiga solingan, 2 dona jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, haydovchi H.M. va topilgan modda Yunusobod tumani IIO FMBga topshirilgan.

- 2022-yil 25-may kuni soat 23:00larda, Chilonzor tumanida joylashgan “Erkin” YPX maskanida xizmat olib borgan YPX xodimlari N.Jumanazarov va A.Tajiyevlar tomonidan Toshkent viloyatidan poytaxtga kirib kelayotgan “Captiva” rusumli avtomobil toʻxtatilib, haydovchi, 1988-yilda tugʻilgan M.A.ning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 168-moddasi 3-qismida nazarda tutilgan jinoyatni sodir etganlikda ayblanib, 2022-yil 19-mart kunidan buyon qidiruvdaligi aniqlangan.

Tegishli hujjatlar rasmiylashtirilib, fuqaro M.A. Chilonzor tumani IIO FMBga topshirilgan.

YPX maskanlari va yoʻllarda tekshiruvlar davom etmoqda...