Tekshiruvlar davomida:

- 2022-yil 26-aprel kuni soat 02:30 larda, Toshkent shahar, Sirgʻali tumanida joylashgan “A.Turbanov” YPX maskanida xizmat olib borayotgan YPX xodimlari M.Poʻlatov va M.Yoʻldoshevlar tomonidan “Nexia” rusumli avtomobil toʻxtatilib, haydovchi, 1988-yilda tugʻilgan M.K.ning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 228-moddasi bilan ayblanib, qidiruvdaligi maʼlum boʻlgan.

Tegishli hujjatlar rasmiylashtirilib, fuqaro M.K. Sirgʻali tumani IIO FMBga topshirilgan.

- 2022-yil 26-aprel kuni soat 00:35 larda, Toshkent shahar, Olmazor tumanida joylashgan “Mineral suvlar” blok-postida xizmat olib borayotgan YPX xodimlari N.Abduvoxidov va J.Boymirzayevlar tomonidan piyoda, 1983-yilda tugʻilgan B.K. toʻxtatilib, uning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 122-moddasi bilan ayblanib, qidiruvdaligi maʼlum boʻlgan.

Tegishli hujjatlar rasmiylashtirilib, fuqaro B.K. Olmazor tumani IIO FMB ga topshirilgan.