Tekshiruvlar davomida:

- 2022-yil 30-mart kuni soat 23:50 larda, Bektemir tumanida joylashgan “Bektemir” YPX maskanida xizmat olib borayotgan YPX xodimlari I.Mambetov va Sh.Xolnazarovlar tomonidan, Toshkent viloyatidan poytaxtga kirib kelayotgan “Lada” rusumli avtomobil toʻxtatilib, haydovchi, 1970-yilda tugʻilgan J.J.ning maʼlumotlari planshet moslamasi yordamida, maxsus dastur orqali tekshirilganda, fuqaro J.J. Oʻzbekiston Respublikasi Jinoyat Kodeksining 168-moddasi 1-qismi bilan ayblanib, 2021-yil 31-dekabr kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro J.J. Bektemir tumani IIO FMBga topshirilgan.

- 2022-yil 30-mart kuni soat 14:45 larda, Yashnobod tumanida xizmat olib borayotgan YPX xodimi J.Xalilov tomonidan, KXAY koʻchasi boʻylab harakatlanib kelayotgan “Lacetti” rusumli avtomobil toʻxtatilib, xaydovchi, 1991-yilda tugʻilgan A.N.ning maʼlumotlari planshet moslamasi yordamida, maxsus dastur orqali tekshirilganda, fuqaro A.N. Oʻzbekiston Respublikasi Jinoyat Kodeksining 277-moddasi 3-qismi bilan ayblanib, 2021-yil 5-may kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro A.N. Yashnobod tumani IIO FMBga topshirilgan.

Yoʻllarda tekshiruvlar davom etmoqda...