Tekshiruvlar davomida:

- 2022-yil 21-aprel kuni soat 21:20 larda, Chilonzor tumanida joylashgan “Erkin” YPX maskanida xizmat olib borayotgan YPX xodimlari N.Djumanazarov va Sh.Xikmatovlar tomonidan, Toshkent viloyatidan poytaxtga kirib kelayotgan “Mercedes-Benz” rusumli avtomobil toʻxtatilib, haydovchi, 1996-yilda tugʻilgan A.F.ning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 251-moddasi 1-qismi bilan ayblanib, 2022-yil 16-yanvar kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro A.F. Chilonzor tumani IIO FMBga topshirilgan.

- 2022-yil 21-aprel kuni soat 15:30 larda, Olmazor tumanida xizmat olib borayotgan YPX xodimlari X.Sobitov va A.Teshaboyevlar tomonidan “UAZ” rusumli avtomobil toʻxtatilib, haydovchi, 1989-yilda tugʻilgan E.N.ning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 188-moddasi 1-qismi bilan ayblanib, qidiruvdaligi maʼlum boʻlgan.

Tegishli hujjatlar rasmiylashtirilib, fuqaro E.N. Olmazor tumani IIO FMBga topshirilgan.