Tekshiruvlar davomida:

- 2022-yil 16-aprel kuni soat 11:00 larda, Chilonzor tumanida joylashgan “Erkin” YPX maskanida xizmat olib borayotgan YPX xodimlari F.Saydaxmedov va N.Tojiboyevlar tomonidan, Toshkent viloyatidan poytaxtga kirib kelayotgan “Cobalt” rusumli avtomobil toʻxtatilib, yoʻlovchi, 2001-yilda tugʻilgan Y.S.ning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 169-moddasi 3-qismi bilan ayblanib, 2020-yil 3-iyul kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro Y.S. Chilonzor tumani IIO FMBga topshirilgan.

- 2022-yil 16-aprel kuni soat 05:30 larda, Uchtepa tumanida xizmat olib borayotgan YPX xodimlari tomonidan, Foziltepa koʻchasi boʻylab piyoda harakatlanib kelayotgan fuqaro, 1994-yilda tugʻilgan S.I.ning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 166-moddasi 2-qismi bilan ayblanib, 2022-yil 11-aprel kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro S.I. Uchtepa tumani IIO FMBga topshirilgan.

- 2022-yil 16-aprel kuni soat 16:00 larda Bektemir tumani, Qoʻyliq buyum bozori qarshisida xizmat olib borayotgan, YPX xodimlari N.Azimov va Oʻ.Saidovlar tomonidan, piyoda harakatlanib kelayotgan fuqaro, 1977-yilda tugʻilgan A.S.ning maʼlumotlari planshet moslamasi yordamida, maxsus dastur orqali tekshirilganda, ushbu fuqaro 2016-yil 30-mart kunidan buyon bedarak yoʻqolganligi, hozirda qidiruvdaligi maʼlum boʻlgan.

Tegishli hujjatlar rasmiylashtirilib, fuqaro A.S. Bektemir tumani IIO FMBga topshirilgan.