O‘zbekiston Respublikasi Vazirlar Mahkamasining 2022-yil 30-iyuldagi 415-son qaroriga muvofiq Ichki ishlar vazirining 2022-yil 31-avgustdagi 346-son buyrug‘i bilan tasdiqlangan Nizomda belgilangan vazifalar ijrosini ta’minlash maqsadida, 2025-yil 1-mart kuni soat 10:00 da Yo‘l harakati xavfsizligi xizmati binosida "Yo‘l harakatini tashkil etish va harakat xavfsizligini ta’minlash sohasidagi muammolar hamda ularning yechimlari" mavzusida 1-respublika ilmiy-amaliy anjumani o‘tkaziladi.

Anjumanning asosiy mavzulari:

- Yo‘l harakatini tashkil etishning texnik ilmiy-amaliy asoslari;

- Yo‘l harakati xavfsizligini ta’minlash sohasidagi huquqiy ilmiy-amaliy chora-tadbirlar;

- Yo‘l harakatini tashkil etish va harakat xavfsizligini ta’minlash sohasidagi muammolar tahlili va ularning ilmiy-amaliy yechimlari.

Anjumanda davlat idoralari, vazirliklar, boshqarmalar, ilmiy tashkilotlar va ta’lim muassasalaridan bir nafar vakil ma’ruza bilan ishtirok etishi mumkin.

Ilmiy maqola yoki tezislarning yozma va elektron shakllarini joriy yilning 15-fevral kuniga qadar YHXXning "Yo‘l harakati xavfsizligi muammolarini o‘rganish markazi"ga yuborilishi mumkin. (Telegram➡️ @W_140)

Anjuman ilmiy maqolalari uchun talablar:

Format: Microsoft Word.

Shrift: Times New Roman, 14 kegel, 1.5 interval.

Hajm: 3–7 varaq.

Anjuman manzili:

Toshkent shahar, Mirzo Ulug‘bek tumani, Mustaqillik shoh ko‘chasi, 71-uy, Yo‘l harakati xavfsizligi xizmati binosining 5-qavati.

Ma’lumot uchun telefonlar:

+99871267-60-10

+99893317-41-33