Gumon ortidagi tekshiruvlar mobaynida:

- 2021-yil 15-dekabr kuni soat 16:10 larda Chilonzor tumanida joylashgan “Erkin” YPX maskanida xizmat olib borayotgan YPX xodimlari R.Gafurov va Sh.Xikmatovlar tomonidan, Toshkent viloyatidan poytaxtga kirib kelayotgan "Spark" rusumli avtomobil to‘xtatilib, xolis va guvohlar ishtirokida tekshirilganida, haydovchi, 2002-yilda tug‘ilgan J.J.ning cho‘ntagidan “VELO (snyus)” idishi ichida, selofanga o‘ralgan, jigar rangli, o‘tkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro J.J. va aniqlangan modda Chilonzor tumani IIO FMBga topshirilgan.

- 2021-yil 15-dekabr kuni soat 16:45 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari A.Pulatov va F.Djurayevlar tomonidan, Toshkent viloyatidan poytaxtga kirib kelayotgan "Lacetti" rusumli avtomobil to‘xtatilib, xolis va guvohlar ishtirokida tekshirilganida, yo‘lovchi, 1998-yilda tug‘ilgan E.X.ning cho‘ntagidan gugurt qutisiga solingan, yashil rangli, o‘tkir hidli, quritilgan o‘simlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro E.X. va aniqlangan modda Bektemir tumani IIO FMBga topshirilgan.

- 2021-yil 15-dekabr kuni soat 21:40 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari J.To‘raboyev va M.Sharipovlar tomonidan, Toshkent viloyatidan poytaxtga kirib kelayotgan, haydovchi, 1980-yilda tug‘ilgan N.D. boshqaruvidagi "Lacetti" rusumli avtomobil to‘xtatilib, xolis va guvohlar ishtirokida tekshirilganida, avtomobil salonidan qog‘oz parchasiga o‘ralgan, yashil rangli, o‘tkir hidli, quritilgan o‘simlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro N.D. va aniqlangan modda Bektemir tumani IIO FMBga topshirilgan.

- 2021-yil 16-dekabr kuni soat 01:35 larda, Olmazor tumanida xizmat olib borayotgan YPX xodimlari J.Maxmudov va A.Adilovlar tomonidan, Sag‘bon ko‘chasi bo‘ylab harakatlanib kelayotgan "Spark" rusumli avtomobil to‘xtatilib tekshirilganda, yo‘lovchi, 1986-yilda tug‘ilgan J.A. o‘zining ko‘rinishi va xatti-harakatlari bilan xodimlarda shubha uyg‘otgan. Xolis va guvohlar ishtirokidagi tekshirular davomida fuqaro J.A.ning yonidan, oq va qora selofanga o‘ralgan, jigar rangli, o‘tkir hidli, saqichsimon moddalar topilgan.

Mazkur holat yuzasidan tegishli hujjatlar rasmiylashtirilib, fuqaro J.A. va aniqlangan moddalar Olmazor tumani IIO FMBga topshirilgan.

Yo‘llardagi tekshiruvlar davom etmoqda.