Йўлларда ЙПХ ходимлари томонидан гиёҳвандлик воситалари билан боғлиқ фактлар аниқланиши давом этмоқда
Гумон ортидаги текширувлар мобайнида:
- 2021 йил 15 декабрь куни соат 16:10 ларда Чилонзор туманида жойлашган “Эркин” ЙПХ масканида хизмат олиб бораётган ЙПХ ходимлари Р.Гафуров ва Ш.Хикматовлар томонидан, Тошкент вилоятидан пойтахтга кириб келаётган "Spark" русумли автомобиль тўхтатилиб, холис ва гувоҳлар иштирокида текширилганида, ҳайдовчи, 2002 йилда туғилган Ж.Ж.нинг чўнтагидан “VELO (снюс)” идиши ичида, целлофанга ўралган, жигар рангли, ўткир ҳидли, сақичсимон модда топилган.
Мазкур ҳолат юзасидан тегишли ҳужжатлар расмийлаштирилиб, фуқаро Ж.Ж. ва аниқланган модда Чилонзор тумани ИИО ФМБга топширилган.
- 2021 йил 15 декабрь куни соат 16:45 ларда, Бектемир туманида жойлашган “Шарқ” ЙПХ масканида хизмат олиб бораётган ЙПХ ходимлари А.Пулатов ва Ф.Джураевлар томонидан, Тошкент вилоятидан пойтахтга кириб келаётган "Lacetti" русумли автомобиль тўхтатилиб, холис ва гувоҳлар иштирокида текширилганида, йўловчи, 1998 йилда туғилган Э.Х.нинг чўнтагидан гугурт қутисига солинган, яшил рангли, ўткир ҳидли, қуритилган ўсимлик моддаси топилган.
Мазкур ҳолат юзасидан тегишли ҳужжатлар расмийлаштирилиб, фуқаро Э.Х. ва аниқланган модда Бектемир тумани ИИО ФМБга топширилган.
- 2021 йил 15 декабрь куни соат 21:40 ларда, Бектемир туманида жойлашган “Шарқ” ЙПХ масканида хизмат олиб бораётган ЙПХ ходимлари Ж.Тўрабоев ва М.Шариповлар томонидан, Тошкент вилоятидан пойтахтга кириб келаётган, ҳайдовчи, 1980 йилда туғилган Н.Д. бошқарувидаги "Lacetti" русумли автомобиль тўхтатилиб, холис ва гувоҳлар иштирокида текширилганида, автомобиль салонидан қоғоз парчасига ўралган, яшил рангли, ўткир ҳидли, қуритилган ўсимлик моддаси топилган.
Мазкур ҳолат юзасидан тегишли ҳужжатлар расмийлаштирилиб, фуқаро Н.Д. ва аниқланган модда Бектемир тумани ИИО ФМБга топширилган.
- 2021 йил 16 декабрь куни соат 01:35 ларда, Олмазор туманида хизмат олиб бораётган ЙПХ ходимлари Ж.Махмудов ва А.Адиловлар томонидан, Сағбон кўчаси бўйлаб ҳаракатланиб келаётган "Spark" русумли автомобиль тўхтатилиб текширилганда, йўловчи, 1986 йилда туғилган Ж.А. ўзининг кўриниши ва хатти-ҳаракатлари билан ходимларда шубҳа уйғотган. Холис ва гувоҳлар иштирокидаги текширулар давомида фуқаро Ж.А.нинг ёнидан, оқ ва қора целлофанга ўралган, жигар рангли, ўткир ҳидли, сақичсимон моддалар топилган.
Мазкур ҳолат юзасидан тегишли ҳужжатлар расмийлаштирилиб, фуқаро Ж.А. ва аниқланган моддалар Олмазор тумани ИИО ФМБга топширилган.
Йўллардаги текширувлар давом этмоқда.