Yoʻllardagi tekshiruvlar davomida:

- 2022-yil 7-yanvar kuni soat 15:45 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari N.Dosimov va M.Sharipovlar tomonidan, Toshkent viloyatidan poytaxtga kirib kelayotgan “Lacetti” rusumli avtomobil toʻxtatilib, xolis va guvohlar ishtirokida tekshirilganida, yoʻlovchi, 1984-yilda tugʻilgan O.S.ning yonidan, selofanga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro O.S. va aniqlangan modda Bektemir tumani IIO FMBga topshirilgan.

- 2022-yil 7-yanvar kuni soat 02:40 larda, Sirgʻali tumanida xizmat olib borayotgan YPX xodimlari B.Abduraimov va T.Roʻziboyevlar tomonidan, TXAY koʻchasidan harakatlanib kelayotgan “Spark” rusumli avtomobil toʻxtatilib, xolis va guvohlar ishtirokida tekshirilganida, yoʻlovchi, 1994-yilda tugʻilgan M.B.ning yonidan, selofanga solingan, sariq rangli, kukunsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro M.B. va aniqlangan modda Sirgʻali tumani IIO FMBga topshirilgan.

- 2022-yil 7-yanvar kuni soat 21:30 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari B.Nematov va J.Turaboyevlar tomonidan, Toshkent viloyatidan poytaxtga kirib kelayotgan “Lacetti” rusumli avtomobil toʻxtatilib, xolis va guvohlar ishtirokida tekshirilganida, yoʻlovchi, 1986-yilda tugʻilgan I.U.ning yonidan, 1000 soʻmlik pul kupyurasiga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro I.U. va aniqlangan modda Bektemir tumani IIO FMBga topshirilgan.

- 2022-yil 8-yanvar kuni soat 03:20 larda, Yashnobod tumanida xizmat olib borayotgan YPX xodimlari I.Qayumov va Sh.Toshboyevlar tomonidan, Asalobod koʻchasi boʻylab harakatlanib kelayotgan “Cobalt” rusumli avtomobil toʻxtatilib, xolis va guvohlar ishtirokida tekshirilganida, yoʻlovchi, 1992-yilda tugʻilgan M.B.ning yonidan, gugurt qutisiga solingan, yashil rangli, oʻtkir hidli, quritilgan oʻsimlik modda topilgan.

Mazkur holat yuzasidan tegishli hujjatlar rasmiylashtirilib, fuqaro M.B. va aniqlangan modda Yashnobod tumani IIO FMBga topshirilgan.

Tekshiruvlar davom etmoqda.