Yo‘llarda YPX xodimlari tomonidan tekshiruvlar davomida:

- 2021-yil 5-dekabr kuni soat 03:30 larda Uchtepa tumani hududida joylashgan “Nazarbek” blok-postida xizmat olib borayotgan YPX xodimi B. Jumagulov tomonidan Toshkent viloyatidan Toshkent shahriga kirib kelayotgan “Lacetti” rusumli avtomobil to‘xtatilgan vaqtda, haydovchi turli xatti-harakatlari bilan xodimda shubha uyg‘otgan. Xolis va guvohlar ishtirokidagi tekshiruv davomida avtomobil salonidan oq qog‘ozga o‘ralgan, jigar rangli, o‘tkir hidli, saqichsimon modda topilgan.

Holat yuzasidan tegishli hujjatlar rasmiylashtirilib, haydovchi, 2001-yilda tug‘ilgan B. E. va topilgan modda Uchtepa tumani IIO FMBga topshirilgan;

- 2021-yil 5-dekabr kuni soat 23:10 larda, Bektemir tumani hududida joylashgan “Sharq” YPX maskanida xizmat olib borayotgan YPX xodimlari M. Toshboyev va F. Djurayevlar tomonidan Toshkent viloyatidan Toshkent shahriga kirib kelayotgan “Cobalt” rusumli avtomobil to‘xtatilgan vaqtda, haydovchi, 1991-yilda tug‘ilgan Z. M. ko‘rinishidan xodimlarda shubha uyg‘otgan. Xolis va guvohlar ishtirokidagi tekshiruv davomida fuqaro Z.M.ning yonidan 3 dona qog‘oz parchalariga o‘ralgan, yashil rangli, o‘tkir hidli, quritilgan o‘simlik moddalari va 4 dona “Regapen” nomli dori vositalari topilgan.

Holat yuzasidan tegishli hujjatlar rasmiylashtirilib, haydovchi Z. M. va topilgan vositalar Bektemir tumani IIO FMBga topshirilgan; 

- 2021-yil 6-dekabr kuni soat 02:00 larda Chilonzor tumani hududida joylashgan “Erkin” YPX maskanida xizmat olib borayotgan YPX xodimlari Sh. Xikmatov va R. Gʻofurovlar tomonidan Toshkent viloyatidan Toshkent shahriga kirib kelayotgan “Cobalt” rusumli avtomobil to‘xtatilgan vaqtda, salonda bo‘lgan yo‘lovchi, 1988-yilda tug‘ilgan Sh. I. ko‘rinishi va turli gap-so‘zlari bilan xodimlarda shubha uyg‘otgan. Xolis va guvohlar ishtirokidagi tekshiruv jarayonida, yo‘lovchi Sh. I.ning yonidan, 1000 so‘mlik pul kupyurasiga o‘ralgan, yashil rangli, o‘tkir hidli, quritilgan o‘simlik moddasi topilgan.

Holat yuzasidan tegishli hujjatlar rasmiylashtirilib, fuqaro Sh. I. va topilgan modda Chilonzor tumani IIO FMBga topshirilgan;

- 2021-yil 6-dekabr kuni soat 03:30 larda Yangixayot tumanida xizmat olib borayotgan YPX xodimi S. Alimov tomonidan Toshkent viloyatidan Toshkent shahriga kirib kelayotgan “Isuzu” rusumli yuk avtomobili to‘xtatilib tekshirilganda, yukxonasida 9 dona katta qog‘oz qutilarga solingan, jami 4680 quti “Britanik” nomli pirotexnika vositalari olib kelinayotganligi aniqlangan.

Holat yuzasidan tegishli hujjatlar rasmiylashtirilib, haydovchi M. X. va aniqlangan vositalar Yangihayot tumani IIO FMBga topshirilgan.

Tekshiruvlar davom etmoqda.