Йўлларда ЙПХ ходимлари томонидан текширувлар давомида:

- 2021 йил 5 декабрь куни соат 03:30 ларда Учтепа тумани ҳудудида жойлашган “Назарбек” блок-постида хизмат олиб бораётган ЙПХ ходими Б.Жумагулов томонидан Тошкент вилоятидан Тошкент шаҳрига кириб келаётган “Lacetti” русумли автомобиль тўхтатилган вақтда, ҳайдовчи турли хатти-ҳаракатлари билан ходимда шубҳа уйғотган. Холис ва гувоҳлар иштирокидаги текширув давомида автомобиль салонидан оқ қоғозга ўралган, жигар рангли, ўткир ҳидли, сақичсимон модда топилган.

Ҳолат юзасидан тегишли ҳужжатлар расмийлаштирилиб, ҳайдовчи, 2001 йилда туғилган Б.Э. ва топилган модда Учтепа тумани ИИО ФМБга топширилган;

- 2021 йил 5 декабрь куни соат 23:10 ларда, Бектемир тумани ҳудудида жойлашган “Шарқ” ЙПХ масканида хизмат олиб  бораётган ЙПХ ходимлари М.Тошбоев ва Ф.Джураевлар томонидан Тошкент вилоятидан Тошкент шаҳрига кириб келаётган “Cobalt” русумли автомобиль тўхтатилган вақтда, ҳайдовчи, 1991 йилда туғилган З.М. кўринишидан ходимларда шубҳа уйғотган. Холис ва гувоҳлар иштирокидаги текширув давомида фуқаро З.М.нинг ёнидан 3 дона қоғоз парчаларига ўралган, яшил рангли, ўткир ҳидли, қуритилган ўсимлик моддалари ва 4 дона “Регапен” номли дори воситалари топилган.

Ҳолат юзасидан тегишли ҳужжатлар расмийлаштирилиб, ҳайдовчи З.М. ва топилган воситалар Бектемир тумани ИИО ФМБга топширилган; 

- 2021 йил 6 декабрь куни соат 02:00 ларда Чилонзор тумани ҳудудида жойлашган “Эркин” ЙПХ масканида хизмат олиб бораётган ЙПХ ходимлари Ш.Хикматов ва Р.Ғофуровлар томонидан Тошкент вилоятидан Тошкент шаҳрига кириб келаётган “Cobalt” русумли автомобиль тўхтатилган вақтда, салонда бўлган йўловчи, 1988 йилда туғилган Ш.И. кўриниши ва турли гап-сўзлари билан ходимларда шубҳа уйғотган. Холис ва гувоҳлар иштирокидаги текширув жараёнида, йўловчи Ш.И.нинг ёнидан, 1000 сўмлик пул купюрасига ўралган, яшил рангли, ўткир ҳидли, қуритилган ўсимлик моддаси топилган.

Ҳолат юзасидан тегишли ҳужжатлар расмийлаштирилиб, фуқаро Ш.И. ва топилган модда Чилонзор тумани ИИО ФМБга топширилган;

- 2021 йил 6 декабрь куни соат 03:30 ларда Янгихаёт туманида хизмат олиб бораётган ЙПХ ходими С.Алимов томонидан Тошкент вилоятидан Тошкент шаҳрига кириб келаётган “Isuzu” русумли юк автомобили тўхтатилиб текширилганда, юкхонасида 9 дона катта қоғоз қутиларга солинган, жами 4680 қути “Британик” номли пиротехника воситалари олиб келинаётганлиги аниқланган.

Ҳолат юзасидан тегишли ҳужжатлар расмийлаштирилиб, ҳайдовчи М.Х. ва аниқланган воситалар Янгиҳаёт тумани ИИО ФМБга топширилган.

Текширувлар давом этмоқда.