Tekshiruvlar davomida:

- 2022-yil 3-noyabr kuni soat 02:35 larda Toshkent shahar, Yunusobod tumanida xizmat olib borayotgan YPX xodimlari A.Usmonov va X.Xalilovlar tomonidan, “Lacetti” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1998-yilda tugʻilgan D.S.ning yonidagi “zajigalka”ga tagida jigar rangli, oʻtkir hidli, saqichsimon modda yopishtirilganligi aniqlangan.

Mazkur holat yuzasidan tegishli hujjatlar rasmiylashtirilib, fuqaro D.S. va aniqlangan modda Yunusobod tumani IIO FMBga topshirilgan.

- 2022-yil 4-noyabr kuni soat 01:10 larda Toshkent shahar, Bektemir tumanida xizmat olib borayotgan YPX xodimlari B.Nugʻmonov va F.Djurayevlar tomonidan haydovchi, 2000-yilda tugʻilgan Z.M. boshqaruvidagi “Nexia-3” rusumli avtomobil toʻxtatilib, xolis va guvohlar ishtirokida tekshirilganda, avtomobil salonida boʻlgan qoʻl telefoning gʻilofi orqasidan, qogʻozga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro Z.M. va topilgan modda Bektemir tumani IIO FMBga topshirilgan.

- 2022-yil 4-noyabr kuni soat 02:00 larda Toshkent shahar, Shayxontohur tumanida xizmat olib borayotgan YPX xodimlari D.Dadaboyev va K.Negmatovlar tomonidan, Istirohat koʻchasida boʻylab harakatlanib kelayotgan “Spark” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1993-yilda tugʻilgan A.A.ning yonidan skotchga oʻralgan, oq rangli, oʻtkir hidli, kukunsimon moddalar topilgan.

Mazkur holat yuzasidan tegishli hujjatlar rasmiylashtirilib, fuqaro A.A. va topilgan moddalar Shayxontohur tumani IIO FMBga topshirilgan.

Yoʻllarda tekshiruvlar davom etmoqda...