Текширувлар давомида:

- 2022 йил 3 ноябрь куни соат 02:35 ларда Тошкент шаҳар, Юнусобод туманида хизмат олиб бораётган ЙПХ ходимлари А.Усмонов ва Х.Халиловлар томонидан, "Lacetti" русумли автомобиль тўхтатилиб, холис ва гувоҳлар иштирокида текширилганда, йўловчи, 1998 йилда туғилган Д.С.нинг ёнидаги "зажигалка"га тагида жигар рангли, ўткир ҳидли, сақичсимон модда ёпиштирилганлиги аниқланган.

Мазкур ҳолат юзасидан тегишли ҳужжатлар расмийлаштирилиб, фуқаро Д.С. ва аниқланган модда Юнусобод тумани ИИО ФМБга топширилган.

- 2022 йил 4 ноябрь куни соат 01:10 ларда Тошкент шаҳар, Бектемир туманида хизмат олиб бораётган ЙПХ ходимлари Б.Нуғмонов ва Ф.Джураевлар томонидан ҳайдовчи, 2000 йилда туғилган З.М. бошқарувидаги "Nexia-3" русумли автомобиль тўхтатилиб, холис ва гувоҳлар иштирокида текширилганда, автомобиль салонида бўлган қўл телефонинг ғилофи орқасидан, қоғозга ўралган, жигар рангли, ўткир ҳидли, сақичсимон модда топилган.

Мазкур ҳолат юзасидан тегишли ҳужжатлар расмийлаштирилиб, фуқаро З.М. ва топилган модда Бектемир тумани ИИО ФМБга топширилган.

- 2022 йил 4 ноябрь куни соат 02:00 ларда Тошкент шаҳар, Шайхонтоҳур туманида хизмат олиб бораётган ЙПХ ходимлари Д.Дадабоев ва К.Негматовлар томонидан, Истироҳат кўчасида бўйлаб ҳаракатланиб келаётган "Spark" русумли автомобиль тўхтатилиб, холис ва гувоҳлар иштирокида текширилганда, йўловчи, 1993 йилда туғилган А.А.нинг ёнидан скотчга ўралган, оқ рангли, ўткир ҳидли, кукунсимон моддалар топилган.

Мазкур ҳолат юзасидан тегишли ҳужжатлар расмийлаштирилиб, фуқаро А.А. ва топилган моддалар Шайхонтоҳур тумани ИИО ФМБга топширилган.

Йўлларда текширувлар давом этмоқда...