Tekshiruv davomida:

- 2022-yil 29-yanvar kuni soat 22:40 larda Bektemir tumanida joylashgan “Sharq” YPX maskanida xizmat olib borayotgan, YPX inspektorlari N.Dosimov va F.Djurayevlar tomonidan Toshkent viloyati hududidan poytaxtga kirib kelayotgan, "Lacetti" rusumli transport vositasi to‘xtatilib xolis va guvohlar ishtirokida tekshirilganda, haydovchi 1984-yilda tug‘ilgan, E.Sh.ning yonidan sellofan paketga o‘ralgan, jigar rangli, o‘tkir xidli, o‘simlik moddasi topilgan.

Mazkur holat yuzasidan tegishli xujjatlar rasmiylashtirilib, haydovchi E.Sh. va aniqlangan moddalar Bektemir tumani IIO FMBga topshirilgan.

- 2022-yil 29-yanvar kuni soat 03.30 larda Mirzo Ulug‘bek tumaniga xizmatga jalb etilgan YPX inspektorlari D.Axmedov va J.Nigmatullayevlar tomonidan, Mirzo Ulug‘bek tumani, Oltintepa ko‘chasidan harakatlanib kelayotgan "Mercedes Benz" rusumli transport vositasi to‘xtatilib, xolis va guvohlar ishtirokida tekshirilganda, haydovchi 1995-yilda tug‘ilgan S.M.ning sumkasidan yaltiroq zar qog‘ozga o‘ralgan jigar rangli, o‘tkir xidli saqichsimon modda hamda yo‘lovchi 1990-yilda tug‘ilgan, J.A.ning yonidan qo‘l bola usulida yasalgan narkotik moddalarni iste’mol qilish anjomlari va avtomobil salonidan yaltiroq zar qog‘ozga o‘ralgan, ko‘k rangli, o‘tkir hidli, kukunsimon modda topilgan.

Mazkur holat yuzasidan tegishli xujjatlar rasmiylashtirilib, haydovchi S.M. hamda yo‘lovchi J.A. va aniqlangan moddalar Mirzo Ulug‘bek tumani IIOFMBga topshirilgan.

- 2022-yil 29-yanvar kuni soat 00.30 larda Yunusobod tumaniga xizmatga jalb etilgan YPX inspektorlari O.Abdurasulov va J.Suyarov, hamda M.Sherkulovlar tomonidan Yunusobod tumani 18-mavzesi bo‘ylab harakatlanib kelayotgan, "Captiva" rusumli, transport vositasi to‘xtatilib, transport vositasi haydovchisi 1987-yilda tug‘ilgan J.A.ning ma’lumotlari planshet moslamasi yordamida, maxsus dastur orqali tekshirilganida, ushbu fuqaro O‘zbekiston Respublikasi Jinoyat Kodeksining 168-moddasi 1-qismi bilan ayblanib, 2022-yil 22-yanvar kunidan buyon qidiruvdaligi ma’lum bo‘lgan.

Tegishli xujjatlar rasmiylashtirilib, fuqaro J.A. Yunusobod tumani IIOFMBga topshirilgan.

Tekshiruvlar davom etmoqda.