Poytaxt ko‘chalarida YPX xodimlari tomonidan tekshiruv davomida:

- 2021-yil 28-oktabr kuni soat 01:45 larda, Yunusobod tumanida joylashgan “Uch Qahramon” YPX maskanida xizmat olib borayotgan Toshkent shahar IIBB YHXB YPX xodimlari U.Sodiqov, A.Usmonov va X.Xalilovlar tomonidan Toshkent viloyati hududidan poytaxtga kirib kelayotgan "Nexia" rusumli avtomobil to‘xtatilib holis va guvohlar ishtirokidagi tekshiruvlar davomida ushbu avtomobil yo‘lovchisi, 1996-yilda tug‘ilgan X.M.ning cho‘ntagidan 4 dona “Regapen” nomli psixotrop dori tabletkalari topilgan.

Mazkur holat yuzasidan tegishli hujjatlar rasmiylashtirilib, fuqaro X.M. va aniqlangan moddalar Yunusobod tumani IIO FMBga topshirilgan.

- 2021-yil 27-oktabr kuni soat 15:30 larda, Yunusobod tumanida xizmat olib borayotgan YPX xodimlari O.Akobirov va F.Axrolovlar tomonidan, Amir Temur ko‘chasi bo‘ylab harakatlanib kelayotgan "Lacetti" rusumli avtomobil to‘xtatilib, haydovchi, 1979-yilda tug‘ilgan N.J.ning ma’lumotlari planshet yordamida, maxsus dastur orqali tekshirilganda, fuqaro N.J. O‘zbekiston Respublikasi Jinoyat Kodeksining 168-moddasi 4-qismi bilan ayblanib, 2021-yil 5-aprel kunidan buyon qidiruvdaligi ma’lum bo‘lgan.

Tegishli hujjatlar rasmiylashtirilib, fuqaro N.J. Yunusobod tumani IIO FMBga topshirilgan.