Yo‘llarda YPX xodimlari tomonidan tekshiruvlar davomida:

- 2021-yil 30-sentabr kuni soat 01:20 larda Uchtepa tumani, Farxod ko‘chasida YPX xodimlari A. Muhamedjanov va X. Rahimjonovlar tomonidan haydovchi, 1984-yilda tug‘ilgan B. K. boshqaruvidagi “Lacetti” rusumli avtomobil to‘xtatilib xolis va guvohlar ishtirokida tekshirilganda, salon qismidan, old o‘ng tomon o‘rindig‘i tagidan, 10 dona “Selofen” nomli hamda 35 dona “Tropikamid” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, haydovchi B. K. va topilgan vositalar Uchtepa tumani IIO FMBga topshirilgan.

- 2021-yil 29-sentabr kuni soat 16:30 larda, Bektemir tumani hududida joylashgan “Sharq” YPX maskanida xizmat olib borayotgan YPX xodimi M. Toshboyev tomonidan Toshkent viloyatidan Toshkent shahriga kirib kelayotgan haydovchi, 1981-yilda tug‘ilgan D. M. boshqaruvidagi “Lacetti” rusumli avtomobil to‘xtatilib, xolis va guvohlar ishtirokida transport vositasining yukxonasi tekshirilganda Bojxona ko‘rigidan o‘tkazilmagan, tegishli hujjatsiz 4 ta paketga o‘ralgan, qutilarga solingan “ZUMERRET” nomli tamaki mahsulotlari olib kelinayotganligi aniqlangan.

Mazkur holat yuzasidan tegishli hujjatlar rasmiylashtirilib, haydovchi D. M. va aniqlangan mahsulotlar Bektemir tumani DSI xodimlariga topshirilgan.

- 2021-yil 28-sentabr kuni soat 22:20 larda, Mirobod tumani Shahrisabz ko‘chasida YPX xodimlari E. Rahimov va U. Ahmedovlar tomonidan “Captiva” rusumli avtomobil to‘xtatilib, haydovchi, 1983-yilda tug‘ilgan M. K. ning ma’lumotlari planshet moslamasi yordamida maxsus dastur orqali tekshirilganda, fuqaro M. K. O‘zbekiston Respublikasi Jinoyat Kodeksining 168-moddasi 4-qismi bilan ayblanib, 2021-yil 20-iyul kunidan buyon qidiruvdaligi ma’lum bo‘lgan.

Tegishli hujjatlar rasmiylashtirilib, fuqaro M. K. Mirobod tumani IIO FMBga topshirilgan.

- 2021-yil 29-sentabr kuni soat 00:10 larda Uchtepa tumani, KXAY ko‘chasida YPX xodimlari T. Abdurahmonov va A. Nozimjonovlar tomonidan “Lacetti” rusumli avtomobil to‘xtatilib tekshirilganda, yo‘lovchi, 1992-yilda tug‘ilgan F. T. ko‘rinishi va turli xatti-harakatlari bilan xodimlarda shubxa uyg‘otgan. Xolis va guvohlar ishtirokidagi tekshiruv davmida, fuqaro F. T. ning yonidan qog‘oz parchasiga o‘ralgan, jigar rangli, kukunsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro F. T. va topilgan modda Uchtepa tumani IIO FMBga topshirilgan.

- 2021-yil 29-sentabr kuni soat 01:10 larda, Sirg‘ali tumani, Chortoq ko‘chasida YPX xodimlari U. Otabekov va O. Qadamovlar tomonidan “Cobalt” rusumli avtomobil to‘xtatilib, haydovchi, 1999-yilda tug‘ilgan S. B. ning ma’lumotlari planshet moslamasi yordamida maxsus dastur orqali tekshirilganda, fuqaro S.B. O‘zbekiston Respublikasi Jinoyat Kodeksining 277-moddasi 2-qismi bilan ayblanib, 2021-yil 25-avgust kunidan buyon qidiruvdaligi ma’lum bo‘lgan.

Tegishli hujjatlar rasmiylashtirilib, fuqaro S. B. Sirg‘ali tumani IIO FMBga topshirilgan.

Yo‘llarda tekshiruvlar davom etmoqda!