Poytaxt ko‘chalarida YPX xodimlari tomonidan tekshiruv davomida:

- 2021-yil 30-oktabr kuni soat 01:20 larda, Bektemir tumanida joylashgan “Sharq” YPX maskanida xizmat olib borayotgan Toshkent shahar IIBB YHXB YPX xodimlari M.Toshboyev, J.Turaboyev va M.Shamshiyevlar tomonidan Toshkent viloyati hududidan, poytaxtga kirib kelayotgan "Lacetti" rusumli avtomobil to‘xtatilib tekshirilganda, yo‘lovchisi, 1993-yilda tug‘ilgan M.A. o‘zining turli xatti-harakatlari bilan xodimlarda shubha uyg‘otgan. Xolis va guvohlar ishtirokidagi tekshiruv davomida fuqaro M.A.ning cho‘ntagidan syellofan parchasiga o‘ralgan, jigar rangli, o‘tkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro M.A. va aniqlangan modda Bektemir tumani IIO FMBga topshirilgan.

- 2021-yil 30-oktabr kuni soat 02:30 larda Uchtepa tumaniga xizmatga jalb etilgan YPX xodimlari D.Begmatov, B.Baratov, A.Nozimjonov va B.Yusupovlar tomonidan, Lutfiy ko‘chasi bo‘ylab harakatlanib kelayotgan, haydovchi, 1997-yilda tug‘ilgan R.E. boshqaruvida bo‘lgan "Lacetti" rusumli avtomobil to‘xtatilib, xolis va guvohlar ishtirokida tekshirilganida, avtomobil salonidan “1000” (ming so‘m) pul kupyurasiga o‘ralgan, jigar rangli, o‘tkir hidli, kukunsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro R.E. va aniqlangan modda Uchtepa tumani IIO FMBga topshirilgan.

- 2021-yil 30-oktabr kuni soat 23:30 larda Yunusobod tumanida xizmat olib borayotgan YPX xodimlari F.Egamberdiyev, Sh.Gʻulomnazarov va Gʻ.Usmonovlar tomonidan, Rixsiliy ko‘chasi bo‘ylab harakatlanib kelayotgan, haydovchi, 1982-yilda tug‘ilgan Sh.Sh. boshqaruvida bo‘lgan "Matiz" rusumli avtomobil to‘xtatilganda, haydovchining xatti-harakatlari xodilarda shubha uyg‘otgan. Xolis va guvohlar ishtirokidagi tekshiruv davomida, avtomobil salonidan 1 dona “Tropikamid”, 1 dona “Naftimizin” va 2 dona yelim idishga solingan psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqaro Sh.Sh. Yunusobod tumani IIO FMBga topshirilgan.

- 2021-yil 30-oktyabr kuni soat 21:40 larda, M.Ulug‘bek tumani, M.Ulug‘bek ko‘chasida xizmat olib borayotgan YPX xodimlari F.Nishanbayev va I.Ismoilovlar tomonidan, piyoda, 1995-yilda tug‘ilgan M.M. to‘xtatilib, uning ma’lumotlari planshet yordamida, maxsus dastur orqali tekshirilganda, fuqaro M.M. O‘zbekiston Respublikasi Jinoyat Kodeksining 164-moddasi 2-qismi bilan ayblanib, 2021-yil 22-avgust kunidan buyon qidiruvdaligi ma’lum bo‘lgan.

Tegishli hujjatlar rasmiylashtirilib, fuqaro M.M. Yakkasaroy tumani IIO FMBga topshirilgan.

- 2021-yil 31-oktyabr kuni soat 01:10 larda Yakkasaroy tumani "Shota Rustaveli-Gavhar" ko‘chalari chorrahasida xizmat olib borayotgan YPX xodimlari O.Isayev va Z.Tovasharovlar tomonidan, ushbu chorrahadan harakatlanib kelayotgan "Lacetti" rusumli avtomobil to‘xtatilib, haydovchi 1996 yilda tug‘ilgan E.B.ning ma’lumotlari planshet yordamida, maxsus dastur orqali tekshirilganda, fuqaro E.B. O‘zbekiston Respublikasi Jinoyat Kodeksining 168-moddasi 4-qismi bilan ayblanib, 2021-yil 19-oktabr kunidan buyon qidiruvdaligi ma’lum bo‘lgan.

Tegishli hujjatlar rasmiylashtirilib, fuqaro E.B. Yakkasaroy tumani IIO FMBga topshirilgan.

Yo‘llardagi tekshiruvlar davom etmoqda...