Poytaxt ko‘chalarida YPX xodimlari tomonidan tekshiruv davomida:

- 2021-yil 5-noyabr kuni soat 20:00 larda, Bektemir tumanida joylashgan “Bektemir” YPX maskanida xizmat olib borayotgan xodim R.Tilepov tomonidan Toshkent viloyatidan Toshkent shahriga kirib kelayotgan, IIO xizmat kiyimini kiyib olgan, 1996-yilda tug‘ilgan haydovchi T.Gʻ. boshqaruvidagi "Spark" rusumli avtomobil to‘htatilgan. O‘zaro muloqot davomida haydovchi o‘zining xatti-harakatlari bilan YPX xodimi R.Tilepovda shubha uyg‘otgan. Shundan so‘ng tekshiruvlar natijasida, fuqaro T.Gʻ. Ichki ishlar idorlarining hech qaysi tizimida xizmat qilmasligi aniqlangan.

Mazkur holat yuzasidan tegishli hujjatlar rasmiylashtirilib, fuqaro T.Gʻ. Bektemir tumani IIO FMBga topshirilgan.

- 2021-yil 5-noyabr kuni soat 22:30 larda Chilonzor tumanida joylashgan “Erkin” YPX maskanida xizmat olib borayotgan YPX xodimlari N.Djumanazarov va R.Gofurovlar tomonidan Toshkent viloyati hududidan poytaxtga kirib kelayotgan "Lacetti" rusumli avtomobil to‘xtatilib, xolis va guvohlar ishtirokida teshirilganida, haydovchi, 1979-yilda tug‘ilgan T.I.ning cho‘ntagidan, 1000 so‘mlik pul kupyurasiga o‘ralgan, 2 dona oq qog‘oz parchalariga solingan, jigar rangli, o‘tkir hidli, saqichsimon moddalar topilgan.

Mazkur holat yuzasidan tegishli hujjatlar rasmiylashtirilib, fuqaro T.I. va aniqlangan moddalar Chilonzor tumani IIO FMBga topshirilgan.

- 2021-yil 5-noyabr kuni soat 01:00 larda, Chilonzor tumanida xizmat olib borayotgan YPX xodimlari B.Mirzaraximov, S.Gʻulomov va L.Kurbonovlar tomonidan, Bunyodkor ko‘chasi bo‘ylab harakatlanib kelayotgan "Matiz" rusumli avtomobil to‘xtatilib, haydovchi, 1984-yilda tug‘ilgan O.A.ning ma’lumotlari planshet moslamasi yordamida, maxsus dastur orqali tekshirilganda fuqaro O.A. O‘zbekiston Respublikasi Jinoyat Kodeksining 277-moddasi 1-qismi bilan ayblanib, 2020-yil 21-oktabr kunidan buyon qidiruvdaligi ma’lum bo‘lgan.

Tegishli hujjatlar rasmiylashtirilib, fuqaro O.A. Chilonzor tumani IIO FMBga topshirilgan.

Yo‘llardagi tekshiruvlar davom etmoqda...