Poytaxt ko‘chalarida YPX xodimlari tomonidan tekshiruv davomida:

- 2021-yil 28-oktabr kuni soat 01:50 larda Yunusobod tumanida xizmat olib borayotgan Toshkent shahar IIBB YHXB YPX xodimlari M.Ergashev va J.Suyarovlar tomonidan Baraka ko‘chasi bo‘ylab harakatlanib kelayotgan "Nexia" rusumli avtomobil to‘htatilib tekshirilganda, haydovchi, 1990-yilda tug‘ilgan Q.Y. ko‘rinishi va turli xatti-harakatlari bilan xodimlarda shubha uyg‘otgan. Xolis va guvohlar ishtirokidagi tekshiruv davomida, ushbu avtomobil salonidan 1 dona “Tropikamid” va 3 dona “Zardeks” nomli psixotrop dori vositalari topgan.

Mazkur holat yuzasidan tegishli hujjatlar rasmiylashtirilib, fuqaro Q.Y. va aniqlangan moddalar Yunusobod tumani IIO FMBga topshirilgan.

- 2021-yil 28-oktabr kuni soat 02:10 larda Mirobod tumaniga xizmatga jalb etilgan YPX xodimi T.Zokirov tomonidan Yangi Qo‘yliq ko‘chasi bo‘ylab harakatlanib kelayotgan, 1998-yilda tug‘ilgan Sh.A. boshqaruvidagi "Spark" rusumli avtomobil to‘htatilib, xolis va guvohlar ishtirokida tekshirilganida, ushbu avtomobil salonidan 2 dona “Lirika” nomli psixotrop dori tabletkalari topilgan.

Mazkur holat yuzasidan tegishli xujjatlar rasmiylashtirilib, fuqaro Sh.A. va aniqlangan moddalar Mirobod tumani IIO FMBga topshirilgan.

- 2021-yil 27-oktabr kuni soat 11:00 larda, Mirzo Ulug‘bek tumani, Temur Malik ko‘chasida xizmat olib boryotgan YPX xodimi U.Sultonov tomonidan “Hyundai” rusumli avtomobil to‘htatilib, haydovchi, 1988-yilda tug‘ilgan Q.J.ning ma’lumotlari planshet yordamida, maxsus dastur orqali tekshirilganda, fuqaro Q.J. O‘zbekiston Respublikasi Jinoyat Kodeksining 122-moddasi bilan ayblanib, 2020-yil 23-sentabr kunidan buyon qidiruvdaligi ma’lum bo‘lgan.

Tegishli hujjatlar rasmiylashtirilib, fuqaro Q.J. Mirzo Ulug‘bek tumani IIO FMBga topshirilgan.

- 2021-yil 27-oktabr kuni soat 13:20 larda, Mirzo Ulug‘bek tumani, Mirzo Ulug‘bek ko‘chasida xizmat olib boryotgan YPX xodimlari Sh.Nuraliyev, Sh.Doniyorov va M.Nazarovlar tomonidan “Lacetti” rusumli avtomobil to‘htatilib, haydovchi, 1987-yilda tug‘ilgan S.S.ning ma’lumotlari planshet yordamida, maxsus dastur orqali tekshirilganda, fuqaro S.S. O‘zbekiston Respublikasi Jinoyat Kodeksining 122-moddasi bilan ayblanib, 2021-yil 19-fevral kunidan buyon qidiruvdaligi ma’lum bo‘lgan.

Tegishli hujjatlar rasmiylashtirilib, fuqaro S.S. Mirzo Ulug‘bek tumani IIO FMBga topshirilgan.

Yo‘llarda tekshiruvlar davom etmoqda.