Poytaxt ko‘chalarida YPX xodimlari tomonidan tekshiruv davomida:

- 2021-yil 19-noyabr kuni soat 11:00 larda, Uchtepa tumanida joylashgan “Nazarbek” blok-postida xizmat olib borayotgan Toshkent shahar IIBB YHXB YPX xodimi D.Jo‘rayev tomonidan, Toshkent viloyatidan poytaxtga kirib kelayotgan "Matiz" rusumli avtomobil to‘htatilib tekshirilganida, haydovchi, 1987-yilda tug‘ilgan N.D. o‘zining ko‘rinishi va xatti-harakatlari bilan xodimda shubxa uyg‘otgan. Xolis va guvohlar ishtirokidagi tekshiruvlar davomida haydovchi N.D.ning cho‘ntagidan selofanga o‘ralgan, qora rangli, o‘tkir hidli, quritilgan saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro N.D. va aniqlangan modda Uchtepa tumani IIO FMBga topshirilgan.

- 2021-yil 19-noyabr kuni soat 14:30 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari M.Shamshiyev va J.To‘raboyevlar tomonidan, poytaxtga kirib kelayotgan "Cobalt" rusumli avtomobil to‘xtatilib, xolis va guvohlar ishtirokida tekshirilganida, yo‘lovchi, 1986-yilda tug‘ilgan E.X.ning cho‘ntagidan 1000 so‘mlik pul kupyurasiga o‘ralgan, jigar rangli, o‘tkir hidli, kukunsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro E.X. va aniqlangan modda Bektemir tumani IIO FMBga topshirilgan.

- 2021-yil 19-noyabr kuni soat 22:30 larda, Yashnobod tumaniga xizmatga jalb etilgan Toshkent shaxar IIBB YHXB YPX xodimlari S.Umurkulov va N.Dosimovlar tomonidan, Jarqo‘rg‘on ko‘chasidan harakatlanib kelayotgan "Spark" rusumli avtomobil to‘xtatilib, xolis va guvohlar ishtirokida tekshirilganda, yo‘lovchi A.X.ning yonidan selofan paketchada, ko‘k rangli kukunsimon modda hamda yo‘lovchi Q.U.ning yonidan selofanga o‘ralgan, yashil rangli, o‘tkir hidli, quritilgan o‘simlik moddasi topilgan.

Mazkur holat yuzasidan tegishli hujjatlar rasmiylashtirilib, fuqarolar va aniqlangan moddalar Yashnobod tumani IIO FMBga topshirilgan.

- 2021-yil 19-noyabr kuni soat 16:30 larda M.Ulug‘bek tumani, Ziyolilar ko‘chasida xizmat olib borayotgan YPX xodimlari J.Mamitov, Sh.Doniyorov va Sh.Nuraliyevlar tomonidan ushbu ko‘chadan harakatlanib kelayotgan, 1984-yilda tug‘ilgan A.X. to‘htatilib, uning ma’lumotlari planshet moslamasi yordamida, maxsus dastur orqali tekshirilganda fuqaro A.X. O‘zbekiston Respublikasi Jinoyat Kodeksining 168-moddasi 4-qismi bilan ayblanib, 2021-yil 13-oktabr kunidan buyon qidiruvdaligi ma’lum bo‘lgan.

Tegishli hujjatlar rasmiylashtirilib, fuqaro A.X. M.Ulug‘bek tumani IIO FMBga topshirilgan.

- 2021-yil 19-noyabr kuni soat 11:00 larda, Yakkasaroy tumaniga xizmat olib borayotgan Toshkent shahar IIBB YHXB YPX xodimi D.Kurolov tomonidan, Shota Rustaveli ko‘chasi bo‘ylab piyoda harakatlanib kelayotgan, 2008-yilda tug‘ilgan A.G. o‘zining xatti-harakati bilan shubxa uyg‘otganligi sababli to‘xtatilib, tekshirib ko‘rilganda, uning yonidan “Новый век” nomli 1 dona quti, ichida jami 60 dona pirotexnika vositalari topilgan.

Mazkur holat yuzasidan tegishli hujjatlar rasmiylashtirilib, A.G. Yakkasaroy tumani IIO FMBga topshirilgan.

Yo‘llardagi tekshiruvlar davom etmoqda...