Tekshiruvlar davomida:

- 2022-yil 6-dekabr kuni soat 10:30 larda Toshkent shahar, Yakkasaroy tumanida xizmat olib borayotgan YPX xodimi B.Rustamov tomonidan, Bobur koʻchasi boʻylab piyoda harakatlanib kelayotgan, 1980-yilda tugʻilgan D.M. toʻxtatilib, uning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 168-moddasi 1-qismi bilan ayblanib, 2022-yil 1-dekabr kunidan buyon qidiruvdaligi maʼlum boʻlgan.

Tegishli hujjatlar rasmiylashtirilib, fuqaro D.M. Yakkasaroy tumani IIO FMBga topshirilgan.

- 2022-yil 6-dekabr kuni soat 13:00 larda Toshkent shahar, Yangihayot tumanida xizmat olib borayotgan YPX xodimi M.Kambarov tomonidan “Lacetti” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1995-yilda tugʻilgan R.O.ning yonidan qogʻozga oʻralgan, yashil rangli, oʻtkir hidli, quritilgan oʻsimlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro R.O. va topilgan modda Yangihayot tumani IIO FMBga topshirilgan.

- 2022-yil 6-dekabr kuni soat 19:30 larda Toshkent shahar, Chilonzor tumanida xizmat olib borayotgan YPX xodimi B.Yazdanov tomonidan, KXAY koʻchasi boʻylab piyoda harakatlanib ketayotgan, 1988-yilda tugʻilgan M.B. toʻxtatilib, uning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 277-moddasi 1-qismi bilan ayblanib, 2022-yil 14-noyabr kunidan buyon qidiruvdalagi maʼlum boʻlgan.

Tegishli hujjatlar rasmiylashtirilib, fuqaro M.B. Chilonzor tumani IIO FMBga topshirilgan.

Yoʻllarda tekshiruvlar davom etmoqda...