“Dolzarb 50 kunlik” profilaktik tadbiri doirasida oʻtkazilayotgan reyd hamda tekshiruvlar davomida:

2024-yil 28-noyabr kuni soat 01:00 larda Andijon viloyati, Andijon tumani, “Gulshan” MFY hududida xizmat olib borayotgan YPX xodimlari tomonidan “Spark” rusumli avtomobil toʻxtatilib, xolis va guvohlar ishtirokida tekshirilganda, avtomobil salonida boʻlgan sumka ichidan 8 dona “Tropikamid” va 25 dona “Regapen” nomli psixotrop dori vositalari borligi aniqlangan.

Tegishli hujjatlar rasmiylashtirilib, avtomobilda boʻlgan shaxslar va aniqlangan psixotrop dori vositalari Andijon viloyati IIBga topshirilgan.

2024-yil 26-noyabr kuni soat 19:20 larda “Namangan” YPX maskanida xizmat olib borayotgan xodimlar tomonidan haydovchi, 1990-yilda tugʻilgan Sh.U. boshqaruvidagi “Malibu” rusumli avtomobil toʻxtatilib, xolis va guvohlar ishtirokida tekshirilganda, yukxonasida tegishli hujjatlari boʻlmagan 680 ta quti tamaki mahsulotlari olib ketilayotganligi aniqlangan.

Holat yuzasidan tegishli hujjatlar rasmiylashtirilib, noqonuniy tarzda olib ketilayotgan tamaki mahsulotlari hamda haydovchi Sh.U. Pop tumani DSIga topshirilgan.

Shuningdek, 2024-yil 27-noyabr kuni soat 00:40 larda “Namangan” YPX maskanida xizmat olib borayotgan YPX xodimlari tomonidan “Kia Bongo” rusumli yuk avtomobili toʻxtatilib, xolis va guvohlar ishtirokida tekshirilganda, yukxonasida 34 ta “7 Shots”, 5 ta “9D”, 8 ta “Небесный гром”, 10 ta (har birining ichida 600 donadan) “Трения” va 48 ta “Соловей разбойник” nomli pirotexnika vositalari olib ketilayotganligi aniqlangan.

Mazkur holat yuzasidan tegishli hujjatlar rasmiylashtirilib, IJQK Departamenti Pop tumani boʻlimiga topshirilgan.

2024-yil 27-noyabr kuni soat 18:00 larda “Namangan” YPX maskanida haydovchi, 1997-yilda tugʻilgan Sh.Sh. boshqaruvidagi “Malibu-2” rusumli avtomobil toʻxtatilib, xolis va guvohlar ishtirokida tekshirilganda, yukxonasida 400 dona “Небесный гром” nomli hamda 180 ta qutilarda har birida 10 tadan boʻlgan “Петарды” nomli pirotexnika vositalari olib ketilayotganligi aniqlangan.

Mazkur holat yuzasidan tegishli hujjatlar rasmiylashtirilib, pirotexnika vositalari hamda haydovchi Sh.Sh. IJQK Departamenti Pop tumani boʻlimi xodimlariga topshirilgan.

Shuningdek tekshiruvlar davomida YHXX “Qamchiq” dovoni boʻyicha YPX otryadi xodimlari tomonidan “Namangan” YPX maskanida “Tracker” rusumli avtomobil toʻxtatilib, maʼlumotlari planshet moslamasi yordamida tekshirilganda, haydovchining yoʻl harakati qoidabuzarliklari boʻyicha 171 000 000 soʻm qarzdorligi mavjudligi hamda avtomobil qidiruvda ekanligi aniqlanib, vaqtincha saqlash uchun jarima maydoniga qoʻyilgan.

2024-yil 27-noyabr kuni Toshkent shahar, Yashnobod tumanida xizmat olib borayotgan YPX xodimi tomonidan “Spark” rusumli avtomobil toʻxtatilgan. Oʻzining xatti-harakatlari bilan shubha uygʻotgan ushbu avtomobildagi yoʻlovchi B.R. xolis va guvohlar ishtirokida tekshirilganda, yonidan pnevmatik oʻq otish quroli topilgan.

Joriy yilning 27-noyabr kuni Toshkent shahar, Yashnobod tumaniga tungi xizmatga jalb qilingan YPX xodimlari tomonidan “Cobalt” rusumli avtomobil toʻxtatilib tekshirilganda, haydovchi, 1986-yilda tugʻilgan S.D. oʻzining xatti-harakatlari bilan xodimlarda shubha uygʻotgan. Xolis va guvohlar ishtirokida tekshirilganda, uning yonidan jami 120 dona “Zardeks” nomli psixotrop dori vositalari aniqlangan.

Yuqoridagi xolatlar yuzasidan tegishli hujjatlat rasmiylashtirilib, Yashnobod tumani IIO FMBga topshirilgan.

Yoʻllarda tekshirular davom etmoqda...