Bugun, 2024-yil 1-mart kuni “Namangan” YPX maskanida xizmat olib borayotgan YPX xodimlari tomonidan “Mercedes-Benz” rusumli avtomobil toʻxtatilib tekshirilganda, haydovchi transport vositasining davlat raqam belgisini toʻgʻri aniqlanishiga halaqit beruvchi qoplama surtib olganligi maʼlum boʻlgan.

Haydovchiga nisbatan tegishli tartibda maʼmuriy bayonnoma rasmiylashtirilib, avtomobil vaqtincha saqlash uchun jarima maydoniga qoʻyilgan.

Yoʻl harakati qoidalariga koʻra, transport vositasida roʻyxatdan oʻtkazish davlat raqami belgilarini koʻrinishini cheklaydigan, toʻgʻri aniqlanishiga xalaqit beradigan har-xil buyumlar oʻrnatilgan va qoplamalar bilan qoplangan boʻlsa bunday transport vositalaridan foydalanish taqiqlanadi. 

Oʻzbekiston Respublikasi MJtKning 127-moddasi ikkinchi qismiga koʻra, transport vositasiga davlat raqam belgilarini koʻrish imkoniyatini cheklaydigan, ularni anglashga toʻsqinlik qiladigan turli ashyolar oʻrnatish va qoplama surtish — fuqarolarga bazaviy hisoblash miqdorining bir baravaridan uch baravarigacha, mansabdor shaxslarga esa — uch baravaridan besh baravarigacha miqdorda jarima solishga sabab boʻladi.

Haydovchilardan qoidalarga rioya etishlarini soʻraymiz.