Poytaxt yoʻllaridagi tekshiruvlar davomida:

- 2022-yil 4-mart kuni soat 22:00 larda Bektemir tumanida joylashgan “Bektemir” YPX maskanida xizmat olib borayotgan Toshkent shahar IIBB YHXB YPX xodimlari Sh.Xolnazarov va R.Tilepovlar tomonidan Toshkent viloyatidan poytaxtga kirib kelayotgan “Nexia” rusumli avtomobil toʻxtatilganda, haydovchi, 1997-yilda tugʻilgan M.A. koʻrinishi va turli xatti-harakatlari bilan xodimlarda shubha uygʻotgan. Xolis va guvohlar ishtirokidagi tekshiruv davomida, haydovchi M.A. ning yonida boʻlgan gugurt qutisi ichidan, sellofanga oʻralgan, jigar rangli, oʻtkir hidli, saqichsimon modda topilgan.

Holat yuzasidan tegishli hujjatlar rasmiylashtirilib, haydovchi M.A. va topilgan modda Bektemir tumani IIO FMBga topshirilgan.

- 2022-yil 4-mart kuni soat 23:55 larda Olmazor tumanida joylashgan “Mineral suvlar” blok-postida xizmat olib borayotgan Toshkent shahar IIBB YHXB YPX xodimi U.Maxkamov tomonidan, Toshkent viloyatidan poytaxtga kirib kelayotgan, “Vaz-2101” rusumli avtomobil toʻxtatilib tekshirilganda, salonda boʻlgan yoʻlovchi, 1988-yilda tugʻilgan A.M. koʻrinishidan xodimda shubha uygʻotgan. Xolis va guvohlar ishtirokidagi tekshiruv davomida, yoʻlovchi A.M. ning choʻntagidan sigareta qutisiga solingan, jigar rangli, oʻtkir hidli, saqichsimon modda topilgan.

Holat yuzasidan tegishli hujjatlar rasmiylashtirilib, fuqaro A.M. va topilgan modda Olmazor tumani IIO FMBga topshirilgan.

- 2022-yil 5-mart kuni soat 02:15 larda Shayxontohur tumanida xizmat olib borayotgan YPX xodimlari R.Tolibov va D.Dadaboyevlar tomonidan Beltepa koʻchasida “Spark” rusumli avtomobil toʻxtatilib tekshirilganda, salonda boʻlgan yoʻlovchi, 1978-yilda tugʻilgan F.S. xodimlarda shubha uygʻotgan. Xolis va guvohlar ishtirokidagi tekshiruv davomida, yoʻlovchi F.S. ning yonidan zar qogʻozga oʻralgan, oq rangli, oʻtkir hidli, kukunsimon modda topilgan.

Holat yuzasidan tegishli hujjatlar rasmiylashtirilib, fuqaro F.S. va topilgan modda Shayxontohur tumani IIO FMBga topshirilgan.

Tekshiruvlar davom etmoqda...