Пойтахт йўлларидаги текширувлар давомида:

- 2022 йил 4 март куни соат 22:00 ларда Бектемир туманида жойлашган “Бектемир” ЙПХ масканида хизмат олиб бораётган Тошкент шаҳар ИИББ ЙҲХБ ЙПХ ходимлари Ш.Холназаров ва Р.Тилеповлар томонидан Тошкент вилоятидан пойтахтга кириб келаётган “Nexia” русумли автомобиль тўхтатилганда, ҳайдовчи, 1997 йилда туғилган М.А. кўриниши ва турли хатти-ҳаракатлари билан ходимларда шубҳа уйғотган. Холис ва гувоҳлар иштирокидаги текширув давомида, ҳайдовчи М.А.нинг ёнида бўлган гугурт қутиси ичидан, целлофанга ўралган, жигар рангли, ўткир ҳидли, сақичсимон модда топилган.

Ҳолат юзасидан тегишли ҳужжатлар расмийлаштирилиб, ҳайдовчи М.А. ва топилган модда Бектемир тумани ИИО ФМБга топширилган.

- 2022 йил 4 март куни соат 23:55 ларда Олмазор туманида жойлашган “Минерал сувлар” блок-постида хизмат олиб бораётган Тошкент шаҳар ИИББ ЙҲХБ ЙПХ ходими У.Махкамов томонидан, Тошкент вилоятидан пойтахтга кириб келаётган, “Ваз-2101” русумли автомобиль тўхтатилиб текширилганда, салонда бўлган йўловчи, 1988 йилда туғилган А.М. кўринишидан ходимда шубҳа уйғотган. Холис ва гувоҳлар иштирокидаги текширув давомида, йўловчи А.М.нинг чўнтагидан сигарета қутисига солинган, жигар рангли, ўткир ҳидли, сақичсимон модда топилган.

Ҳолат юзасидан тегишли ҳужжатлар расмийлаштирилиб, фуқаро А.М. ва топилган модда Олмазор тумани ИИО ФМБга топширилган.

- 2022 йил 5 март куни соат 02:15 ларда Шайхонтоҳур туманида хизмат олиб бораётган ЙПХ ходимлари Р.Толибов ва Д.Дадабоевлар томонидан Белтепа кўчасида “Spark” русумли автомобиль тўхтатилиб текширилганда, салонда бўлган йўловчи, 1978 йилда туғилган Ф.С. ходимларда шубҳа уйғотган. Холис ва гувоҳлар иштирокидаги текширув давомида, йўловчи Ф.С.нинг ёнидан зар қоғозга ўралган, оқ рангли, ўткир ҳидли, кукунсимон модда топилган.

Ҳолат юзасидан тегишли ҳужжатлар расмийлаштирилиб, фуқаро Ф.С. ва топилган модда Шайхонтоҳур тумани ИИО ФМБга топширилган.

Текширувлар давом этмоқда...