YPX xodimlari tomonidan yo‘llarda tekshiruvlar mobaynida qidiruvdagi shaxs, giyohvandlik, pirotexnika, psixotrop vositalar bilan bog‘liq faktlar aniqlanishi davom etmoqda:

- 2021-yil 28-noyabr kuni soat 07:00 larda Yangihayot tumaniga xizmatga jalb etilgan YPX xodimlari S. Azizboyev va S. Alimovlar tomonidan Binokor ko‘chasida “Isuzu” rusumli avtomobil to‘xtatilib tekshirilganda, yukxonasida 2 dona qutilar ichida jami 56 dona pirotexnika vositalari olib ketilayotganligi aniqlangan.

Mazkur holat yuzasidan tegishli hujjatlar rasmiylashtirilib, haydovchi, 1993-yilda tug‘ilgan S. T. va topilgan vositalar Yangixayot tumani IIO FMBga topshirilgan.

- 2021-yil 28-noyabr kuni soat 12:30 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari A. Pulatov va M. Toshboyevlar tomonidan Toshkent viloyatidan Toshkent shahriga kirib kelayotgan “Labo” rusumli avtomobil to‘xtatilganda, haydovchi, 1993-yilda tug‘ilgan I. T. turli xatti-harakatlari bilan xodimlarda shubha uyg‘otgan. Xolis va guvohlar ishtirokidagi tekshiruv davomida haydovchi I. T. ning cho‘ntagidan 2 dona syellofanga solingan, jigar rangli, o‘tkir hidli, saqichsimon moddalar topilgan.

Holat yuzasidan tegishli hujjatlar rasmiylashtirilib, haydovchi I. T. va topilgan modda Bektemir tumani IIO FMBga topshirilgan.

- 2021-yil 28-noyabr kuni soat 19:50 larda Shayxontohur tumani A. Navoiy ko‘chasida xizmat olib borayotgan YPX xodimlari J. Ergashev va R. Kasimovlar tomonidan piyoda harakatlanib kelayotgan, 1993-yilda tug‘ilgan M. M. to‘xtatilib, uning ma’lumotlari planshet moslamasi yordamida, maxsus dastur orqali tekshirib ko‘rilganda, fuqaro M. M. O‘zbekiston Respublikasi Jinoyat Kodeksining 168-moddasi bilan ayblanib, 2021-yil 18-noyabr kunidan buyon qidiruvdaligi ma’lum bo‘lgan.

Tegishli hujjatlar rasmiylashtirilib, fuqaro M. M. Shayxontohur tumani IIO FMBga topshirilgan.

- 2021-yil 28-noyabr kuni soat 20:00 larda, Bektemir tumanida joylashgan “Sharq” YPX maskanida xizmat olib borayotgan YPX inspektori F. Djurayev tomonidan Toshkent viloyatidan Toshkent shahriga kirib kelayotgan “Nexia” rusumli avtomobil to‘xtatilganda, salonda bo‘lgan yo‘lovchi, 1989-yilda tug‘ilgan F. N. ko‘rinishi va turli gap-so‘zlari bilan xodimda shubha uyg‘otgan. Xolis va guvohlar ishtirokidagi tekshiruv davomida yo‘lovchi F. N. ning yonidan syellofanga o‘ralgan, jigar rangli, o‘tkir hidli, saqichsimon modda topilgan.

Holat yuzasidan tegishli hujjatlar rasmiylashtirilib, fuqaro F. N. va topilgan modda Bektemir tumani IIO FMBga topshirilgan.

- 2021-yil 28-noyabr kuni soat 23:10 larda “Tun” reyd tadbiriga, Bektemir tumaniga xizmatga jalb etilgan YPX inspektori A. O‘tbosarov tomonidan Aray ko‘chasi bo‘ylab harakatlanib kelayotgan “Spark” rusumli avtomobil to‘xtatilganda, haydovchi, 1998-yilda tug‘ilgan B. A. turli xatti-harakatlari bilan xodimda shubha uyg‘otgan. Xolis va guvohlar ishtirokidagi tekshiruv davomida ushbu avtomobilning salon qismida, old o‘rindig‘i ustida 2 dona yelim idishda, tarkibi noma’lum bo‘lgan o‘tkir hidli suyuqlik va 1 dona “Tropikamid” nomli psixotrop dori vositasi topilgan.

Holat yuzasidan tegishli hujjatlar rasmiylashtirilib, haydovchi B. A. va topilgan vositalar Bektemir tumani IIO FMBga topshirilgan.

- 2021-yil 29-noyabr kuni soat 02:15 larda “Tun” reyd tadbiri davomida, Yashnobod tumaniga xizmatga jalb etilgan YPX xodimlari I. Qayumov va J. Zokirovlar tomonidan Ohangaron shoh ko‘chasi bo‘ylab harakatlanib kelayotgan “Spark” rusumli avtomobil to‘xtatilganda, salonda bo‘lgan yo‘lovchi, 2001-yilda tug‘ilgan A. N. ko‘rinishi va turli xatti-harakatlari bilan xodimlarda shubha uyg‘otgan. Xolis va guvohlar ishtirokidagi tekshiruv davomida yo‘lovchi A. N. ning yonidan oq qog‘oz parchasiga o‘ralgan, yashil rangli, o‘tkir hidli, quritilgan o‘simlik moddasi topilgan.

Holat yuzasidan tegishli hujjatlar rasmiylashtirilib, fuqaro A. N. va topilgan modda Yashnobod tumani IIO FMBga topshirilgan.

Yo‘llarda tekshiruvlar davom etmoqda.