ЙПХ ходимлари томонидан йўлларда текширувлар мобайнида қидирувдаги шахс, гиёҳвандлик, пиротехника, психотроп воситалар билан боғлиқ фактлар аниқланиши давом этмоқда:

- 2021 йил 28 ноябрь куни соат 07:00 ларда Янгиҳаёт туманига  хизматга жалб этилган ЙПХ ходимлари С.Азизбоев ва С.Алимовлар томонидан Бинокор кўчасида “Isuzu” русумли автомобиль тўхтатилиб текширилганда, юкхонасида 2 дона қутилар ичида жами 56 дона пиротехника воситалари олиб кетилаётганлиги аниқланган.

Мазкур ҳолат юзасидан тегишли ҳужжатлар расмийлаштирилиб, ҳайдовчи, 1993 йилда туғилган С.Т. ва топилган воситалар Янгихаёт тумани ИИО ФМБга топширилган.

- 2021 йил 28 ноябрь куни соат 12:30 ларда, Бектемир туманида жойлашган “Шарқ” ЙПХ масканида хизмат олиб  бораётган ЙПХ ходимлари А.Пулатов ва М.Тошбоевлар томонидан Тошкент вилоятидан Тошкент шаҳрига кириб келаётган “Labo” русумли автомобиль тўхтатилганда, ҳайдовчи, 1993 йилда туғилган И.Т. турли хатти-ҳаракатлари билан ходимларда шубҳа уйғотган. Холис ва гувоҳлар иштирокидаги текширув давомида ҳайдовчи И.Т.нинг чўнтагидан 2 дона целлофанга солинган, жигар рангли, ўткир ҳидли, сақичсимон моддалар топилган.

Ҳолат юзасидан тегишли ҳужжатлар расмийлаштирилиб, ҳайдовчи И.Т. ва топилган модда Бектемир тумани ИИО ФМБга топширилган.

- 2021 йил 28 ноябрь куни соат 19:50 ларда Шайхонтоҳур тумани А.Навоий кўчасида хизмат олиб бораётган ЙПХ ходимлари Ж.Эргашев ва Р.Касимовлар томонидан пиёда ҳаракатланиб келаётган, 1993 йилда туғилган М.М. тўхтатилиб, унинг маълумотлари планшет мосламаси ёрдамида, махсус дастур орқали текшириб кўрилганда, фуқаро М.М. Ўзбекистон Республикаси Жиноят Кодексининг 168-моддаси билан айбланиб, 2021 йил 18 ноябрь кунидан буён қидирувдалиги маълум бўлган.

Тегишли ҳужжатлар расмийлаштирилиб, фуқаро М.М. Шайхонтоҳур тумани ИИО ФМБга топширилган.

- 2021 йил 28 ноябрь куни соат 20:00 ларда, Бектемир туманида жойлашган “Шарқ” ЙПХ масканида хизмат олиб  бораётган ЙПХ инспектори Ф.Джураев томонидан Тошкент вилоятидан Тошкент шаҳрига кириб келаётган “Nexia” русумли автомобиль тўхтатилганда, салонда бўлган йўловчи, 1989 йилда туғилган Ф.Н. кўриниши ва турли гап-сўзлари билан ходимда шубҳа уйғотган. Холис ва гувоҳлар иштирокидаги текширув давомида йўловчи Ф.Н.нинг ёнидан целлофанга ўралган, жигар рангли, ўткир ҳидли, сақичсимон модда топилган.

Ҳолат юзасидан тегишли ҳужжатлар расмийлаштирилиб, фуқаро Ф.Н. ва топилган модда Бектемир тумани ИИО ФМБга топширилган.

- 2021 йил 28 ноябрь куни соат 23:10 ларда “Тун” рейд тадбирига, Бектемир туманига хизматга жалб этилган ЙПХ инспектори А.Ўтбосаров томонидан Арай кўчаси бўйлаб ҳаракатланиб келаётган “Spark” русумли автомобиль тўхтатилганда, ҳайдовчи, 1998 йилда туғилган Б.А. турли хатти-ҳаракатлари билан ходимда шубҳа уйғотган. Холис ва гувоҳлар иштирокидаги текширув давомида ушбу автомобилнинг салон қисмида, олд ўриндиғи устида 2 дона елим идишда, таркиби номаълум бўлган ўткир ҳидли суюқлик ва 1 дона “Тропикамид” номли психотроп дори воситаси топилган.

Ҳолат юзасидан тегишли ҳужжатлар расмийлаштирилиб, ҳайдовчи Б.А. ва топилган воситалар Бектемир тумани ИИО ФМБга топширилган.

- 2021 йил 29 ноябрь куни соат 02:15 ларда “Тун” рейд тадбири давомида, Яшнобод туманига хизматга жалб этилган ЙПХ ходимлари И.Қаюмов ва Ж.Зокировлар томонидан Оҳангарон шоҳ кўчаси бўйлаб ҳаракатланиб келаётган “Spark” русумли автомобиль тўхтатилганда, салонда бўлган йўловчи, 2001 йилда туғилган А.Н. кўриниши ва турли хатти-ҳаракатлари билан ходимларда шубҳа уйғотган. Холис ва гувоҳлар иштирокидаги текширув давомида йўловчи А.Н.нинг ёнидан оқ қоғоз парчасига ўралган, яшил рангли, ўткир ҳидли, қуритилган ўсимлик моддаси топилган.

Ҳолат юзасидан тегишли ҳужжатлар расмийлаштирилиб, фуқаро А.Н. ва топилган модда Яшнобод тумани ИИО ФМБга топширилган.

Йўлларда текширувлар давом этмоқда.