“Toshshahartransxizmat” AJ Axborot xizmatining xabariga koʻra, yoʻnalishlar tarmogʻini maqbullashtirish, yoʻlovchilarga koʻrsatilayotgan transport xizmatlari sifatini oshirish maqsadida, 2022-yil 7-martdan boshlab:

- “Toshshahartransxizmat” AJ tomonidan Mirzo Ulugʻbek koʻchasida joylashgan “Buyuk Ipak Yoʻli” metro bekatidan quyidagi vaqtinchalik yoʻnalishlar harakati tajriba tariqasida tashkil etildi:

- “Buyuk Ipak Yoʻli” metrosi -“TTZ”. Yoʻnalish harakati “Buyuk Ipak Yoʻli” metro bekatidan Mirzo Ulugʻbek, Feruza, Yuzrabot koʻchalari orqali TTZ bekatigacha;

- “Buyuk Ipak Yoʻli” metrosi -“Yunusobod dehqon bozori”. Yoʻnalish harakati “Buyuk Ipak Yoʻli” metro bekatidan Mirzo Ulugʻbek, Doʻrmon yoʻli, Yangishahar koʻchalari orqali “Yunusobod dehqon bozori” bekatigacha;

- “Buyuk Ipak Yoʻli” metrosi - “Mashinasozlar” metrosi. Yoʻnalish harakati “Buyuk Ipak Yoʻli” metro bekatidan Mirzo Ulugʻbek, Taraqqiyot 2-tor koʻchalari orqali “Mashinasozlar”metrosi bekatigacha;

- “Buyuk Ipak Yoʻli” metrosi -“Oloy bozori”. Yoʻnalish harakati “Buyuk Ipak Yoʻli” metro bekatidan Mirzo Ulugʻbek, Mustaqillik, Shaxrisabz, Amir Temur shox koʻchalari orqali “Oloy bozori” bekatigacha tashkil etildi.

Yoʻnalishlardagi jadvallar soni “Mercedes-Benz Low Floor” rusumli avtobuslar asosida faqat ish kunlariga 1 (bir) ta, yoʻnalishlarning ish tartibi soat 8:30 dan 10:00gacha hamda soat 19:00 dan 21:00 gacha etib belgilandi.

Yoʻnalishlarda transport xizmatlari “5-Avtobus saroyi” filiali tomonidan koʻrsatiladi.

Shuningdek, yoʻnalishlar tarmogʻini maqbullashtirish, yoʻlovchilarga koʻrsatilayotgan transport xizmatlari sifatini oshirish maqsadida, 2022-yil 18-martdan boshlab:

- “12-Avtobus saroyi” filialiga biriktirilgan 48-sonli “Novator ICHB - Al Xorazmiy mavzesi” avtobus yoʻnalishining harakati Qipchoq, Qoʻrgʻontepa koʻchalari orqali (Yorqin Hayot mahallasiga kirib chiqmagan holda) ikki tomonlama tashkil etilgan;

- “18-Avtobus saroyi” filialiga biriktirilgan 114-sonli “Ibn Sino 2-mavzesi - Toʻqimachilik kombinati” avtobus yoʻnalishining ish va shanba kunidagi ish tartibi soat 5:30 dan 22:00 gacha, yakshanba kunidagi jadvallar soni 6 ta, ish tartibi soat 6:00 dan 22 :00 gacha etib belgilangan;

- “2-Avtobus saroyi” filialiga biriktirilgan 14-sonli “Toshkent vokzali - TTZ bozori” va 83-sonli “Yunusobod mavzesi 6-daha - Ekskovator zavodi bekati” avtobus yoʻnalishlarining jadvallar soni:
- 14-sonli avtobus yoʻnalishi - Ish kuni 10(+1) ta, shanba kuni 9(0) ta, yakshanba kuni 9(0) ta;
- 83-sonli avtobus yoʻnalishi - Ish kuni 8(+1) ta, shanba kuni 7(+1) ta, yakshanba kuni 6(+1) ta etib belgilangan;

- “4-Avtobus saroyi”filialiga biriktirilgan 8-sonli “Sergeli 7-mavzesi - Chilonzor mavzesi 25-daha” avtobus yoʻnalishining “Sergeli 7-mavzesi” oxirgi bekati “Olchazor mahallasi” bekatiga oʻzgartirilib, yoʻnalish nomi 8-sonli “Olchazor mahallasi - Chilonzor mavzesi 25-daha” avtobus yo‘shnalishi deb nomlangan.