Tekshiruvlar davomida:

- 2022-yil 22-noyabr kuni soat 12:00 larda Toshkent shahar, Uchtepa tumanida xizmat olib borayotgan YPX xodimlari B.Jumagulov va B.Nurmatovlar tomonidan “Matiz” rusumli avtomobil toʻxtatilib, xolis va guvohlar ishtirokida tekshirilganda, haydovchi, 1997-yilda tugʻilgan R.I.ning yonidan jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro R.I. va topilgan modda Uchtepa tumani IIO FMBga topshirilgan.

- 2022-yil 22-noyabr kuni soat 21:30 larda Toshkent shahar, Yunusobod tumanida xizmat olib borayotgan YPX xodimlari M.Qoʻqonov va N.Asadullayevlar tomonidan, haydovchi, 2003-yilda tugʻilgan A.A. boshqaruvidagi “Nexia” rusumli avtomobil toʻxtatilib, xolis va guvohlar ishtirokida tekshirilganda avtomobil salonidan 3 dona ”Shots” nomli salyut va qoʻlbola usulda yasalgan 4 dona zar qogʻozga oʻralgan pirotexnika vositalari topilgan.

Mazkur holat yuzasidan tegishli hujjatlar rasmiylashtirilib, fuqaro A.A. va pirotexnika vositalari Yunusobod tumani IIO FMBga topshirilgan.

- 2022-yil 22-noyabr kuni soat 22:45 larda Toshkent shahar, Olmazor tumanida xizmat olib borayotgan YPX xodimi U.Maxkamov tomonidan “Malibu” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 2003-yilda tugʻilgan Sh.M.ning yonidagi sigareta qutisi ichidan jigar rangli, oʻtkir hidli, saqichsimon moddalar topilgan.

Mazkur holat yuzasidan tegishli hujjatlar rasmiylashtirilib, fuqaro Sh.M. va topilgan moddalar Olmazor tumani IIO FMBga topshirilgan.

Yoʻllarda tekshiruvlar davom etmoqda...