Yoʻllarda YPX xodimlari tomonidan tekshiruvlar davomida:

- 2022-yil 13-mart kuni soat 05:00 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari N.Dosimov va B.Nugʻmonovlar tomonidan, Toshkent viloyatidan poytaxtga kirib kelayotgan “Lacetti” rusumli avtomobil toʻxtatilib tekshirilganda, yoʻlovchi, 1990-yilda tugʻilgan U.G. oʻzining koʻrinishi va xatti-harakatlari bilan xodimlarda shubha uygʻotgan. Xolis va guvohlar ishtirokidagi tekshiruvlar mobaynida fuqaro U.G.ning yonidan selofanga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro U.G. va aniqlangan modda Bektemir tumani IIO FMBga topshirilgan.

- 2022-yil 13-mart kuni soat 17:30 larda, Olmazor tumanida joylashgan “M.Fozilov” blok-postida xizmat olib borayotgan YPX xodimlari A.Adilov va S.Isayevlar tomonidan, Toshkent viloyatidan poytaxtga kirib kelayotgan, haydovchi, 1999-yilda tugʻilgan R.R. boshqaruvidagi “Nexia” rusumli avtomobil toʻxtatilib, xolis va guvohlar ishtirokida tekshirilganda, avtomobil salonidan tegishli hujjatlari boʻlmagan pnevmatik qurol topilgan.

Mazkur holat yuzasidan tegishli hujjatlar rasmiylashtirilib, fuqaro R.R. va aniqlangan qurol Olmazor tumani IIO FMBga topshirilgan.

- 2022-yil 14-mart kuni soat 02:00 larda, Yakkasaroy tumanida xizmat olib borayotgan, YPX xodimi J.Iskandarov tomonidan, M.Johjahon koʻchasi boʻylab harakatlanib kelayotgan “Lacetti” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1995-yilda tugʻilgan D.U.ning yonidan 2 dona ”Tropikamid” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqaro D.U. va aniqlangan vositalar Yakkasaroy tumani IIO FMBga topshirilgan.

- 2022-yil 14-mart kuni soat 02:30 larda, Mirobod tumanida xizmat olib borayotgan YPX xodimlari D.Bobobekov va J.Turgʻunovlar tomonidan, Shahriston koʻchasi boʻylab harakatlanib kelayotgan “Spark” rusumli avtomobil toʻxtatilib, xolis va guvohlar ishtirokida tekshirilganda yoʻlovchi, 1997-yilda tugʻilgan A.Sh.ning yonidan qogʻozga oʻralgan 1 dona tarkibi nomaʼlum boʻlgan dori vositasi topilgan.

Mazkur holat yuzasidan tegishli hujjatlar rasmiylashtirilib, fuqaro Sh.A. va aniqlangan dori vositasi Mirobod tumani IIO FMBga topshirilgan.

- 2022-yil 13-mart kuni soat 00:10 larda, Uchtepa tumanida xizmat olib borayotgan YPX xodimi Sh.Toʻqlibayev tomonidan, Uygʻur koʻchasi boʻylab harakatlanib kelayotgan “Matiz” rusumli avtomobil toʻxtatilib, xolis va guvohlar ishtirokida tekshirilganda, haydovchi, 2000-yilda tugʻilgan Gʻ.I.ning yonidan qogʻozga oʻralgan, yashil rangli, oʻtkir hidli, quritilgan oʻsimlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro Gʻ.I. va aniqlangan modda Uchtepa tumani IIO FMBga topshirilgan.

Tekshiruvlar davom etmoqda...