Tekshiruvlar davomida:

- 2022-yil 15-mart kuni soat 00:05 larda, Chilonzor tumanida joylashgan “Erkin” YPX maskanida xizmat olib borayotgan YPX xodimlari F.Saidaxmedov va N.Tojiboyevlar tomonidan, Toshkent viloyatidan poytaxtga kirib kelayotgan “BMW” rusumli avtomobil toʻxtatilib, xolis va guvohlar ishtirokida tekshirilganda, haydovchi, 1993-yilda tugʻilgan Z.E.ning yonidan 2 dona “Regapen” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqaro Z.E. va aniqlangan vositalar Chilonzor tumani IIO FMBga topshirilgan.

- 2022-yil 11-mart kuni soat 03:00 larda, M.Ulugʻbek tumanida xizmat olib borayotgan YPX xodimlari D.Axmedov va B.Xidirovlar tomonidan, T.Malik koʻchasi boʻylab harakatlanib kelayotgan “Lacetti” rusumli avtomobil toʻxtatilib, xolis va guvohlar ishtirokida tekshirilganda, haydovchi, 1987-yilda tugʻilgan A.G.ning yonidagi sigareta qutisi ichidan, sellofanga solingan, koʻk rangli, oʻtkir hidli, kukunsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro A.G. va aniqlangan modda M.Ulugʻbek tumani IIO FMBga topshirilgan.

- 2022-yil 16-mart kuni soat 06:15 larda, Bektemir tumanida joylashgan “Bektemir” YPX maskanida xizmat olib borayotgan YPX xodimlari I.Djumabayev va Sh.Xolnazarovlar tomonidan, Toshkent viloyatidan poytaxtga kirib kelayotgan “Cobalt” rusumli avtomobil toʻxtatilib, xolis va guvohlar ishtirokida tekshirilganda, haydovchi, 1984-yilda tugʻilgan N.I.ning yonidan 1 dona “Tropikamid” va 7 dona “Lirika” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqaro N.I. va aniqlangan vositalar Bektemir tumani IIO FMBga topshirilgan.

- 2022-yil 17-mart kuni soat 02:20 larda, Yunusobod tumanida xizmat olib borayotgan YPX xodimlari M.Sharipov va O.Abdurasulovlar tomonidan, Yuqori Qoraqamish koʻchasi boʻylab harakatlanib kelayotgan “Cobalt” rusumli atvomobil toʻxtatilib, xolis va guvohlar ishtirokida tekshirilganda, yoʻlovchi, 1994-yilda tugʻilgan M.M.ning yonidan sellofanga solingan, oq rangli, oʻtkir hidli, kukunsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro M.M. va aniqlangan modda Yunusobod tumani IIO FMBga topshirilgan.

Yoʻllarda tekshiruvlar davom etmoqda...