Poytaxt ko‘chalaridagi tekshiruvlar davomida:

-Joriy yilning 25-sentabr kuni soat 10:20 larda, Chilonzor tumanida joylashgan "Erkin" YPX maskanida xizmat olib borayotgan YPX xodimlari E.Pernaboyev va F.Saidahmedovlar tomonidan "Spark" rusumli avtomobil to‘xtatilib tekshirilganda, haydovchi 1988-yilda tug‘ilgan Sh. B. ko‘rinishi va turli xatti-harakatlari bilan xodimlarda shubxa uyg‘otgan. Xolis va guvohlar ishtirokidagi tekshiruvlar davomida avtomobil old o‘rindig‘ining chap yonidan shokolad qog‘oziga solingan, paketga o‘ralgan, jigar rangli, o‘tkir hidli saqichsimon modda topilgan.

Mazkur holat yuzasidan tegishli hujjatlar rasmiylashtirilib, haydovchi Sh. B. va topilgan modda Chilonzor tumani IIO FMBga topshirilgan.

-Joriy yilning 25-sentabr kuni soat 18:00 larda, Chilonzor tumaniga xizmatga jalb etilgan YPX xodimlari S.Mahamadjonov va O.Soatovlar tomonidan, Bunyodkor ko‘chasi bo‘ylab harakatlanib kelayotgan "Captiva" rusumli avtomobil to‘xtatilib, haydovchi, 1985-yilda tug‘ilgan Y. M.ning ma’lumotlari planshet moslamasi yordamida maxsus dastur orqali tekshirilganda, fuqaro Ya.M. O‘zbekiston Respublikasi Jinoyat Kodeksining 168-moddasi 2-qismi bilan ayblanib, 2021-yil 13-avgustdan buyon qidiruvda ekanligi aniqlangan.

Mazkur holat yuzasidan tegishli xujjatlar rasmiylashtirilib, haydovchi Ya.M. Chilonzor tumani IIO FMB JQBga topshirilgan.

-Joriy yilning 25-sentabr kuni soat 16:30 larda Bektemir YPX maskanida xizmat olib boryotgan xodimlar F.Ro‘ziboyev va I.Djumaboyevlar tomonidan haydovchi, 1983-yilda tug‘ilgan Q. J. boshqaruvidagi "Mercedes-Benz" rusumli avtomobil to‘xtatilib tekshirilganda, haydovchining xatti-harakatlari xodimlarda shubxa uyg‘otgan. Xolis va guvohlar ishtirokidagi tekshiruv davomida haydovchining hamyonidan jigar rangli, o‘tkir hidli, kukunsimon modda topilgan.

Mazkur holat yuzasidan tegishli xujjatlar rasmiylashtirilib, haydovchi Q. J. va aniqlangan modda Bektemir tumani IIO FMBga topshirilgan.