Poytaxt ko‘chalarida YPX xodimlari tomonidan tekshiruv davomida:

- 2021-yil 19-noyabr kuni soat 02:15 larda, Bektemir tumanida joylashgan “Sharq” YPX maskanida xizmat olib borayotgan Toshkent shahar IIBB YHXB YPX xodimlari A.Pulatov, F.Djurayev va M.Toshboyevlar tomonidan Toshkent viloyatidan poytaxtga kirib kelayotgan "Cobalt" rusumli avtomobil to‘xtatilib, xolis va guvohlar ishtirokida tekshirilganida, yo‘lovchi, 1986-yilda tug‘ilgan O‘.U.ning farzandini cho‘ntagidan, salfetkaga o‘ralgan, jigar rangli, o‘tkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro O‘.U. va aniqlangan modda Bektemir tumani IIO FMBga topshirilgan.

- 2021-yil 18-noyabr kuni soat 11:30 larda, Olmazor tumanida joylashgan “Mineral suvlar” blok-postida xizmat olib borayotgan, Toshkent shahar IIBB YHXB YPX xodimlari B.Axmedov va S.Keldiyorovlar tomonidan piyoda ravishda harakatlanib kelayotgan, 1996-yilda tug‘ilgan L.X. to‘htatilib, uning ma’lumotlari planshet moslamasi yordamida maxsus dastur orqali tekshirilganda fuqaro L.X. O‘zbekiston Respublikasi Jinoyat Kodeksining 168-moddasi 3-qismi bilan ayblanib, 2021-yil 11-avgust kunidan buyon qidiruvda ekanligi ma’lum bo‘lgan.

Tegishli hujjatlar rasmiylashtirilib, fuqaro L.X. Chilonzor tumani IIO FMBga topshirilgan.

- 2021-yil 18-noyabr kuni soat 19:00 larda, Uchtepa tumaniga xizmatga jalb etilgan YPX xodimi I.Xodjiyev tomonidan Farxod ko‘chasidan harakatlanib kelayotgan piyoda, 1988-yilda tug‘ilgan D.X. to‘htatilib, uning ma’lumotlari planshet moslamasi yordamida, maxsus dastur orqali tekshirilganda fuqaro D.X. O‘zbekiston Respublikasi Jinoyat Kodeksining 168-moddasi 1-qismi bilan ayblanib, 2021-yil 25-iyul kunidan buyon qidiruvdaligi ma’lum bo‘lgan.

Mazkur holat yuzasidan tegishli hujjatlar rasmiylashtirilib, fuqaro D.X. Uchtepa tumani IIO FMBga topshirilgan.

Yo‘llardagi tekshiruvlar davom etmoqda...